Nehemia 2:19 - Chuukese Bible

¹⁹ Nge lupwen Sanpalat ewe re Horon me Topia ewe nöüwisen Amon pwal Kesem ewe re Arapia ra rong usun, ra esitakem o turunufaseekem. Iwe, ra üra, “Met popun oua föri ei? Ifa usun, oua mochen ü ngeni ewe king?”

Nehemia 2:19 Iomraidhean Croise

Nehemia 13:28

Iwe, eman seni nöün Jehoiata we mwän, nge Jehoiata nöün Eliasip ewe souasor mi lap, a pwülüeni eman föpwül nöün Sanpalat ewe re Pet-horon. Iei mine üa asüela Jehoiata seni Jerusalem.

Nehemia 2:10

Nge lupwen Sanpalat ewe re Horon me Topia ewe nöüwisen Amon ra rong ei pworaus, ra fokun oput pwe eman a feito pwe epwe kütta feiöchün chon Israel.

Nehemia 4:1

Iwe, lupwen Sanpalat a rongorong pwe aia senisefälietä ewe tit, a song o fokun lingeringer. A esita ekewe chon Juta

Nehemia 6:6

Iei usun mine a mak lon ei toropwe, “Ei pworaus a chöfetal lein chon ekewe mwü, pwal Kesem a apasa, pwe en me ekewe re Juta oua ekiekin ü ngeni ewe mwü. Iei mine oua senisefälietä ewe tit. Nge soposopun ei pworaus, pwe en ka mochen pwe kopwe ar king.

Nehemia 6:9

Pun ir meinisin ra chök mochen aniuokusukem, pun ra ekieki pwe aipwe ükütiu le angang, pwe ewe angang esap wes. Nge üa iotek, “Ai Kot, kopwe apöchökülaei.”

Hiop 30:1

“Nge iei, ekewe mwän mi ierkükün fai ra urumwoteei. Semelaper kewe ra aücheangau me rei pwe üsap mwo nge mwüt ngeniir ar repwe nom ren nei kewe kolak le tümwünü nei kewe pwiin sip.

Kölfel 123:4

A kon langatam fansoun äm riaföü ren än ekewe mi wöümong esitakem, pwal ren än ekewe mi lamalamtekia aitengauakem.

Kölfel 79:4

Äm aia uren takir me ren chon ekewe mwü mi nom ünüküm, ra turunufasekem o esitakem.

Kölfel 80:6

Ka föri pwe chon ekewe mwü mi nom aruum ra aninifengen won fanüem, nge chon oputakem ra takirin ämängauakem.

Kölfel 80:7

Ai Kot mi Unusen Manaman, kopwe aliwinisefälikem, kopwe netiu wom fän om kirikiröch pwe aipwe küna manau.

Aisea 36:5

Ka apasa pwe mi wor om silelap me pwora lon maun, nge om kapas ra pöön chök. Iö om apilükülük pwe ka ü ngeniei?

Jeremaia 20:8

Pun fansoun meinisin lupwen üa kapas, üa wisen leüömong le kapas o üra, “Angangen mwänewüs me kata!” Ai Samol mi Lapalap, aramas ra ämängauaei o turunufaseei iteiten rän, pun üa asilefeili om kapas.

Jeremaia 41:10

Mürin, Ismael a liapeni ekewe lusun aramas meinisin mi chüen nom Mispa me nöün ewe king kewe föpwül, ir chokewe Nepusaratan ewe meilapen chon tümwünü ewe king a awisa Ketalia pwe epwe nemeniir. Iwe, Ismael a liapeniir o emweniir, pwe repwe feila ngeni fanüen chon Amon.

Mateus 9:24

a üreniir, “Ämi meinisin oupwe towu me ikei! Ewe nengin esap mäla, pwe a chök möür!” Mürin ir meinisin ra takiri.

Markus 5:40

Iwe, ra takiri, iei mine a atorowu me lon ewe imw. Nge a angei semen ewe nengin me inan pwal nöün ülüman chon kaiö o emweniirelong lon ewe ruum ia ewe nengin a kon ie.

Lukas 23:2

Ikenan ra popuetä le atipisi Jesus o üra, “Äm aia küna ei mwän pwe a emweningaua aramasen fanüach. A üreniir pwe resap takises ngeni Sisar, a pwal apasa pwe püsin i Kraist ewe king.”

Johannes 19:12

Iei mine Pilatus a sotuni le kütta efoch al an epwe angasa Jesus. Nge ewe mwichen aramas a kökkö ngeni fän leüömong, “Are en kopwe angasala ätei, kosap chiechien Sisar! Pun eman mi püsin apasa pwe i king, a ü ngeni Sisar!”

Föför 24:5

Äm aia mefi pwe ei mwän eman aramas mi fokun afeiengau. A popuetä fitikoko lein ekewe chon Juta won unusen fanüfan, i eman souemwenin ewe mwichen Nasaret.

Ipru 11:36

Ekoch ra küna turunufas me wichiwich, nge pwal ekoch ra föfö o koturulong lon imwen fötek.