Nehemia 2:18 - Chuukese Bible

¹⁸ Iwe, üa apworausa ngeniir usun än Kot etiei o alisiei, üa pwal apworausa ngeniir ekewe kapas ewe king a üreniei. Iwe, ra üra, “Ousipwe popuetä le senisefälietä ewe tit.” Iei usun ra popuetä le föri ewe angang mi mürina.

Nehemia 2:18 Iomraidhean Croise

2. Samuel 2:7

Iei oupwe pöchökül o pwora, pun Saul ämi samol a mäla, nge chon Juta ra epitiei pwe üpwe ar king.”

1. Kronika 11:10

Ikkei ir ekewe meilapen nöün Tafit kewe sounfiu mi pwora. Ir ra seikätä Tafit pwe epwe king fiti chon Israel meinisin, o apöchöküla mwün, usun ewe Samol mi Lapalap a fen pwon.

1. Kronika 19:13

Kopwe tipepwora. Sipwe tipen mwän fän iten nöüch aramas, pwal fän iten ekewe telinimwen ach we Kot. Nge ewe Samol mi Lapalap epwe föri mine a öch me ren.”

2. Kronika 32:5

Mürin, Hiskia a tiliken lon an angang o senätä ekewe tit meinisin mi tala, a pwal aüetä imw tekia wor. Nge lükün ei tit a senätä pwal eu. A apöchöküla ewe leni mi amasou peliötiuen ewe telinimwen Tafit. A pwal föri pisekin maun me tittin maun mi fokun chomong.

Esra 6:22

Lon ükükün fisu rän ra pwal föri ewe chulapen mongö pilawa esap wor iis lon fän pwapwa, pun ewe Samol mi Lapalap a apwapwaar ren an akulu leluken ewe kingen Asiria ngeniir, pwe a alisiir lon angangen ewe imwen Kot, ewe Koten Israel.

Nehemia 2:8

Kopwe pwal ngeniei echö toropwe pwe üpwe uwala ren Asaf, ewe mi tümwünü än ewe king lenien wöllap, pwe epwe ngeniei irä pwe üpwe föri pamping seni fän iten asamalapen ewe imw pöchökül mi nom mwen ewe imwenfel, fän iten tittin ewe telinimw, pwal fän iten ewe imw üpwe nonom lon.” Iwe, ewe king a mwüt ngeniei mine üa tüngor, pun ai we Kot a etiei.

Efisos 6:10

Iwe, iei ai kapasen lesopolan: Oupwe apöchökülakemi lon ach Samol pwal lon pöchökülen an we manaman.

Filipi 2:13

pun Kot ewe a angang lomi, epwe afisätä ämi mochen me ämi tufichin apwönüetä letipan.

1. Samuel 23:16

Jonatan nöün Saul we a feila ren Tafit lon Hores o apöchöküla lelukan lon an lükü Kot.