Nehemia 2:15 - Chuukese Bible

¹⁵ Iei mine üa feila lon ewe lemolun Kitron o ouwasacha tittin ewe telinimw. Mürin üa kul o liwiniti ewe telinimw o tolong lon ewe Asamalapen Lemol.

Nehemia 2:15 Iomraidhean Croise

2. Samuel 15:23

Iwe, chon ewe fanü meinisin ra leüömong le kechü, lupwen ekewe aramas meinisin ra feil seniir. Pwal ewe king fiti nöün kewe aramas meinisin ra feila pekilan ewe aüwa Kitron o feila ngeni ewe fanüapö.

2. Kronika 26:9

Usia a pwal aüetä o apöchöküla imw tekia lon Jerusalem arun ewe Asamalapen Lepwokuku, arun ewe Asamalapen Lemol me arun ewe Pwokukun ewe tit.

Nehemia 2:16

Nge nöüwisen ewe telinimw resap silei ia üa feila ie, ika met üa föri. Pun tori ei otun üsamwo asile och ngeni ekewe chon Juta me ekewe souasor, ekewe aramas tekia me ekewe nöüwis, pwal ngeni ekewe lusun aramas mi tongeni föri ewe angang.

Nehemia 3:13

Iwe, Hanun me ekewe chon Sanoa ra försefäli ewe Asamalapen Lemol. Ra amasalong ekewe asam lon lenier o apachätä amwöchür me lokkur kewe. Ra pwal senisefälietä ewe tit ükükün engeröü limepükü fiit ator ngeni ewe Asamalapen Ioien Pipi.

Johannes 18:1

Mürin än Jesus wes le iotek, a feila fiti nöün kewe chon kaiö pekilan ewe öüwö Kitron. Ikenan mi wor eu tanipi, i me nöün kewe chon kaiö ra tolong lon.