Nehemia 2:13 - Chuukese Bible

¹³ Iwe, üa towu seni ewe telinimw ren ewe Asamalapen Lemol lepwin o feila ren ewe Chönüttu Foks, pwal ren ewe Asamalapen Ioien Pipi. Üa ouwasacha tittin ewe telinimw Jerusalem mi tatiu me asamalapan kewe mi karala ren ekkei.

Nehemia 2:13 Iomraidhean Croise

2. Kronika 26:9

Usia a pwal aüetä o apöchöküla imw tekia lon Jerusalem arun ewe Asamalapen Lepwokuku, arun ewe Asamalapen Lemol me arun ewe Pwokukun ewe tit.

Nehemia 1:3

Mürin ra üreniei, “Ekewe mi chüen manau seni ar oola o liwiniti ewe fanü ra nom lon weires watte me itengau. Tittin ewe telinimw Jerusalem a chüen tatiu, nge asamalapan kewe mi karala resamwo försefäl.”

Nehemia 12:31

Mürin üa amwichafengeni ekewe samolun Juta won ewe tit o filätä ruu mwichen köl mi chocho, pwe repwe fetal won ewe tit o kölün kilisou. Eu mwich a fetal ngeni pelifich tori ewe Asamalapen Pipi.

Nehemia 2:12

Nge üsap üreni eman mine Kot a atolonga lon lelukei, pwe üpwe föri fän iten Jerusalem. Mürin üa pwätä lepwin o towu seni imwei, nge ekoch chök mwän ra etiei. Iwe, esap wor eman man a nom rei, chilon chök ewe man üa wawa.

Nehemia 2:15

Iei mine üa feila lon ewe lemolun Kitron o ouwasacha tittin ewe telinimw. Mürin üa kul o liwiniti ewe telinimw o tolong lon ewe Asamalapen Lemol.

Nehemia 2:17

Mürin üa üreniir, “Oua küna ewe weires sa nonom lon, pun Jerusalem a tala, nge asamalapan kewe ra karala. Ou etto, ousipwe senisefälietä tittin ei telinimw Jerusalem, pwe sisap chüen itengau.”

Nehemia 2:3

o üreni ewe king, “Amwo ewe king epwe manau tori feilfeilachök. Pwota üsap wololilen are ewe telinimw lenien peiasen ai kewe lewo a tatakis, nge asamalapan kewe ra karala ren ekkei?”

Jeremaia 5:10

Üpwe tinala chon oputeer ren ar kewe tanipin wain pwe repwe ataela ar kewe irän wain, nge resap unusen atarela. Repwe pöküetiu palan kewe, pun resap ai.