Nehemia 13:5 - Chuukese Bible

⁵ Iwe, Eliasip a mwütätä ngeni Topia eu rumw watte ia ra iseis ie me mwan ewe asoren mongö, ewe apach mi pwokus, ekewe pisek fän iten imwenfel, ekewe asor fän iten ekewe souasor me ekewe leengolun wiich, wain me apüra fän iten ekewe mwän seni ewe ainangen Lefi, ekewe chon köl me ekewe chon mamasa asamalapen imwenfel.

Nehemia 13:5 Iomraidhean Croise

2. Kronika 31:11

Mürin, Hiskia a allük, pwe repwe amolätä ekoch rum me lon imwen ewe Samol mi Lapalap. Iwe, ra amoleretä.

2. Kronika 34:11

Ra ngeni ekewe taikü ei moni, pwal ngeni ekewe soukaü imw, pwe repwe kamö fau mi fal me pap fän iten ekewe aföü me ekewe pamping fän iten ekewe imw ekewe kingen Juta ra mwütätä pwe repwe tala.

Nehemia 10:36

Äm aipwe uwato nöüm kewe mwänichi ren ekewe souasor mi angang lon imwen äm we Kot pwe nöün. Aipwe pwal uwato mweinöün nöüm pwiin kow me sip me kuuch, usun a fen mak lon ewe allük.

Nehemia 10:37

Äm aipwe pwal uwato ren ekewe souasor lon ekewe rumwen iseis lon imwen äm we Kot öüwäem pilawa seni mwen kiniem wiich, pwal äm kewe asor seni uän ekewe irä meinisin, seni ewe wain me apüra. Aipwe pwal uwala ewe eu leengolun uän äm pwül ren ekewe mwän seni ewe ainangen Lefi, pun ir ra wisen ioni ekewe leengol seni lon sopum kewe meinisin.

Nehemia 10:38

Nge ekewe souasor ir mwirimwirin Aaron repwe eti ekewe mwän seni ewe ainangen Lefi, lupwen repwe angei ekewe leengol. Iwe, ekewe mwän seni ewe ainangen Lefi repwe uwato eu leengol seni ekewe leengol lon ekewe rumwen iseis lon imwen äm we Kot.

Nehemia 12:44

Iwe, lon ena fansoun ra filätä mwän repwe tümwünü ekewe rumw ia ra iseis ie ekewe lifang, ekewe mwen ua me ekewe leengol. Ra wisen ionifengeni seni ekewe tanipi mi nom ünükün ekewe telinimw ewe kinikin a fen pwüngüla lon allük o isenalong lon ekewe rumwen iseis fän iten ekewe souasor me ekewe mwän seni ewe ainangen Lefi. Iwe, ekewe chon Juta ra pwapwa ren angangen ekewe souasor me ekewe mwän seni ewe ainangen Lefi,

Nehemia 13:7

Iwe, üa tori Jerusalem. Mürin üa küna ewe lapalap mi ngau Eliasip a föri, pwe a mwütätä ngeni Topia eu rumw me lon imwen Kot.

Isikiel 40:38

A wor eu rum fiti eu asamalap ren ewe kengkang lon iteiten eu me eu kewe asamalapen lon. Ikenan ra talü ekewe mönün asoren kek.