Nehemia 13:3 - Chuukese Bible

³ Lupwen ekewe aramasen Israel ra rongorong ei allük, ra aimwüela seni ar we mwich chokewe meinisin ir mwirimwirin chon ekis.

Nehemia 13:3 Iomraidhean Croise

Esra 10:11

Iei oupwe pwärätä ämi tipis ngeni ewe Samol mi Lapalap än ämi kewe lewo we Kot o föri letipan. Oupwe imwü seni ekewe aramas lon ei fanü, pwal seni pwülüemi kewe ekewe fin ekis.”

Esra 9:2

Pun ra angei ekoch me lein nöür föpwül o pwülüeniir, ra pwal apwüpwülüeer ngeni nöür mwän. Iei usun ekewe aramas mi pin ra afitiarfengen me aramasen ekewe fanü. Nge ei lapalap mi ngau ekewe nöüwis me ekewe samol ra akom le föri.”

Nehemia 10:28

Iwe, äm aramasen Israel, ekewe souasor, ekewe mwän seni ewe ainangen Lefi, ekewe chon mamasa asamalapen imwenfel, ekewe chon köl, ekewe chon angang ngeni imwenfel, pwal meinisin mi aimwürela seni aramasen ekewe fanü pokiten ar aleasochisi än Kot we allük fiti pwülüem, nöüm mwän me fefin, meinisin mi tongeni silei o weweiti ewe pwon,

Nehemia 9:2

Iwe, ekewe chon Israel ra aimwürela seni ekewe chon ekis meinisin, ra ütä o pwärätä ar kewe tipis me än ar kewe lewo föföringau.

Kölfel 119:11

Üa iseis om kapas lon lelukei pwe üsap tipis ngonuk.

Kölfel 119:9

Epwe ifa usun än eman alüal tümwünü manauan pwe epwe limöch? Ei a chök tongeni fis ren an aleasochisi om kapas.

Ekistos 12:38

Pwal chomong sokopaten mwichen aramas ra etiir fiti chomong pwiin sip me kow.

Än Salomon Fos 6:23

Pun mine ra öüra ngonuk a usun chök eu lamp, ar kewe kapasen kait a usun chök eu saram, nge ar kewe kapasen fön fän iten emirit, iei ewe alen manau.

Numperis 11:4

Iwe, a wor eu mwichen chon ekis mi ngau mi eti ekewe chon Israel lon ar sai. Ekei aramas ra mwäräkich won fituk, pwal ekewe aramasen Israel ra lalsefäl o apasa, “Amwo sia fen ochoch fituk.

Nöün Paulus Toropwe ngeni ekewe Souläng lon Rom 3:20

Pun esap wor eman aramas epwe küna pwüng ren an apwönüetä pwüngün ekewe Allük. Nge mine ekewe Allük ra föri, ra aiti ngeni aramas pwe ra tipis.

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.