Nehemia 13:29 - Chuukese Bible

²⁹ Ai Kot, kopwe chechemeni ekei aramas, pun ra alimengaua ewe wisen souasor, ra pwal atai ewe pwon en ka föri ngeni ekewe souasor me ekewe mwän seni ewe ainangen Lefi.

Nehemia 13:29 Iomraidhean Croise

Nehemia 6:14

Iwe, üa iotek, “Ai Kot, kopwe chechemeni mine Topia me Sanpalat ra föri. Kopwe pwal chechemeni ewe soufos fefin Noatia me ekewe lusun soufos mi mochen aniuokusuei.”

Lifitikos 21:15

pwe esap atolonga nöün kewe lon tettelin chon limengau me lein aramasan. Pun ngang ewe Samol mi Lapalap üa apini pwe epwe souasor mi lap.”

Lifitikos 21:23

Nge esap tongeni kan ngeni ewe chechen lefil ika ewe rongen asor, pokiten a wor terin, pwe esap apiningaua imwei mi pin. Pun ngang ewe Samol mi Lapalap üa apini ekewe mettoch.”

Lifitikos 21:8

Iei mine ekewe aramas repwe föri met ewe souasor epwe pin me rer, pun a eäni ewe asoren mongö ngeniei. Ngang ewe Samol mi Lapalap üa pin, üa pwal apinikemi.

2. Timoty 4:14

Aleksanter, ätewe mi föri pisek seni mächä, a fokun ariaföüüei. Ach Samol epwe ngeni chappen an föför ngeniei.

1. Samuel 2:30

Iei mine ewe Samol mi Lapalap ewe Koten Israel a apasa, ‘Üa pwon me lom pwe om kewe lewo me mwirimwirir repwe wiseni ewe wis tori feilfeilachök. Nge iei üa apasa pwe esap chüen ina usun. Pun chokewe mi asamoluei üpwe asamoluur, nge chokewe mi turunufaseei repwe küna turunufas.