Nehemia 13:26 - Chuukese Bible

²⁶ Üa üreniir, “Ifa usun, Salomon ewe kingen Israel esap tipis pokiten ena sokun fefin? Esap wor eman king usun i me lein kingen ekewe mwü meinisin. An Kot a fokun echeni o seikätä pwe epwe kingen Israel. Iei mwo ei, nge ekewe fin ekis ra tongeni emwenalong Salomon lon tipis.

Nehemia 13:26 Iomraidhean Croise

1. King 21:25

(Iwe, esap wor eman mi fangela inisin, pwe epwe föri mine a ngau me fän mesen ewe Samol mi Lapalap usun Ahap, pun a pesepes me ren Isipel pwülüan we.

1. King 3:12

iei mine üpwe apwönüetä om tüngor. Üpwe fang ngonuk eu leluk mi mirit o tipachem, pwe esap wor eman mi wewe ngonuk lon kewe fansoun ra la, pwal lon kan fansoun repwe feito.

1. King 3:13

Üpwe pwal fang ngonuk mine kosap tüngor. Üpwe fang ngonuk pisekisek me iteüöch, pwe esap wor eman king epwe wewe ngonuk lon unusen manauom.

1. King 4:1

Iwe, ewe king Salomon a nemeni unusen Israel.

2. Kronika 1:12

iei mine üpwe fang ngonuk tipachem me silelap. Üpwe pwal fang ngonuk wöü me pisekisek me iteüöch, lap seni eman ekewe king mi akom mwom a eäni ika eman mi tapweto mürum epwe eäni.”

2. Kronika 9:22

Iei usun ewe king Salomon a pisekisek me tipachem lap seni ekewe king meinisin won fanüfan.

Än Salomon Fos 31:3

Kosap fangala om pöchökül ngeni fefin, kosap pwal fangala om moni ngeni ekewe fefin mi afeiengaua ekewe king.

Än Salomon Afalafal 7:26

Iwe, üa küna pwe eman fefin mi atuputup a afeiengau seni mäla. Letipan a usun chök eu sär ika uk, nge pöün ra wewe ngeni selimächä mwän ra föfö ren. Eman mwän mi chen me ren Kot a tongeni sü seni neminewe, nge eman chon tipis epwe tup ren.