Nehemia 13:23 - Chuukese Bible

²³ Lon ekana fansoun üa pwal küna re Juta mi pwüpwülü ngeni fin Astot, Amon me Moap.

Nehemia 13:23 Iomraidhean Croise

1. King 11:1

Iwe, ewe king Salomon a sani chomong fin ekis. Lükün nöün Farao we föpwül a pwal pwülüeni fin Moap, fin Amon, fin Etom, fin Siton me fin Hit.

Esra 10:10

Iwe, ewe souasor Esra a ütä o üreniir, “Oua purätiu ewe allük o pwüpwülü ngeni ekewe fin ekis. Ren ei oua alapala än chon Israel tipis.

Esra 10:44

Ekei mwän meinisin ra pwüpwülü ngeni fin ekis. Iwe, ra pöütirela fiti nöür kewe.

Nehemia 10:30

Äm aisap apwüpwülüa nöüm kewe föpwül ngeni aramasen ei fanü ika apwüpwülüa nöüm alüal ngeni nöür föpwül.

Nehemia 10:31

Nge are aramasen ekewe fanü repwe uwato pisek ika wiich pwe repwe amömö lon ewe ränin sapat, äm aisap kamö seniir lon ewe ränin sapat ika lon eu rän mi pin. Äm aisap fotuki och lon iteiten afisuen ier, aia pwal amusala än pwiim kewe liwinimang.

Nehemia 13:1

Iwe, lon ena fansoun, lupwen ra aleani än Moses we puken allük ngeni ekewe aramas, ra küna me lon pwe esap wor eman chon Amon ika chon Moap epwe tongeni choni nöün Kot we mwichen aramas.

Nehemia 13:24

Iwe, esop seni nöür kewe semirit ra eäni fosun Astot ika och sokun fosun aramas, nge resap tongeni eäni fosun Juta.

Nehemia 13:27

Ifa usun, äm aipwe apirükemi o föri ekei föför mi fokun ngau, pwe aipwe aleasolap ngeni äm we Kot ren äm pwülüeni ekewe fin ekis?”

Nehemia 4:7

Nge lupwen Sanpalat me Topia, pwal ekewe chon Arapia, ekewe chon Amon me ekewe chon Astot ra rongorong pwe angangen senisefälietä ewe tittin Jerusalem a soposopola, nge ekewe pwang ra arapakan pinela, ra fokun song.

Ekistos 34:11

Oupwe aleasochisi mine üa allük ngenikemi ikenai. Üpwe asüela seni me mwemi ekewe chon Amor, chon Kanaan, chon Hit, chon Peris, chon Hiw me chon Jepus.

2. Korint 6:14

Ousap rifengenikemi me chokewe resap lükü Kot, ousap etiir lon ar angang. Pun ifa usun än pwüng me pwüngingau epwe chufengen ren? Are meta saram epwe chiechi ngeni rochopwak ren?

Tuteronomi 7:1

“Iwe, ewe Samol mi Lapalap ämi we Kot epwe emwenikemiilong lon ewe fanü oukärän tolong lon pwe oupwe fanüeni, epwe pwal asüela chomong mwü me mwemi: ekewe chon Hit, chon Kirkas, chon Amor, chon Kanaan, chon Peris, chon Hiw me chon Jepus, ir ekewe fisu mwü mi watte o pöchökül senikemi.

Rut 1:4

Iwe, ekewe alüal ra pwülüeni ruoman fin Moap, iten eman Orpa, nge iten ewe eman Rut. Iwe, lupwen ra nonom ikenan ina epwe ükükün engol ier,

1. Samuel 5:1

Iwe, lupwen ekewe chon Filistia ra liapeni än Kot we pworofel, ra uwala seni Epineser tori Astot.