Nehemia 13:22 - Chuukese Bible

²² Iwe, üa allük ngeni ekewe mwän seni ewe ainangen Lefi, pwe repwe püsin alimöchüür, repwe feito o mamasa ekewe asamalap, pwe aramas repwe pinini pinin ewe ränin sapat. Ai Kot, kopwe chechemeniei fän äsengesin pwal ei föför üa föri, kopwe ümöümöch ngeniei lon om tong ellet mi fokun lapalap.

Nehemia 13:22 Iomraidhean Croise

2. King 20:3

“Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.

2. King 23:4

Mürin, ewe king a allük ngeni ewe souasor mi lap Hilkia me ekewe souasor ir kisin fan, pwal ngeni ekewe chon mamasa asamalapen ewe imwenfel, pwe repwe atowu seni ewe imwenfel ekewe pisek meinisin aramas ra aea fän iten ar fel ngeni ewe anü Paal me ewe anüfefin Asera, pwal ngeni ekewe fün läng meinisin. Iwe, ewe king a kenirela lükün Jerusalem arap ngeni ewe lemolun Kitron o uweela falanger ngeni Petel.

2. Kronika 29:24

Mürin, ekewe souasor ra nirela o ninätiu char won ewe rongen asor, pwe asoren amusamusen tipis fän iten chon Israel meinisin. Pun ewe king a allük pwe repwe eäni ewe asoren kek me asoren tipis fän iten chon Israel meinisin.

2. Kronika 29:27

Mürin, Hiskia a allük pwe repwe eäni ewe asoren kek won ewe rongen asor. Nge lupwen ra popuetä le eäni ewe asoren kek, ekewe aramas ra popuetä le köl ngeni ewe Samol mi Lapalap, nge ekewe chon ettik ra ettiki ekewe rappwa me ekewe sokopaten pisekin ettik.

2. Kronika 29:30

Iwe, ewe king Hiskia me nöün kewe nöüwis ra allük ngeni ekewe mwän seni ewe ainangen Lefi, pwe repwe kölün mwareiti ewe Samol mi Lapalap ren ekewe köl Tafit me ewe soufos Asaf ra föri. Iei usun ra kölün mwareiti Kot fän pwapwa, ra chapetiu o fel ngeni.

Nehemia 12:10

Iwe, Jesua semen Joiakim, Joiakim semen Eliasip, nge Eliasip semen Joiata,

Nehemia 12:30

Iwe, ekewe souasor me ekewe mwän seni ewe ainangen Lefi ra püsin alimöchüür, ra pwal alimöchü ekewe aramas o föri angangen alimelim ngeni ekewe asamalap me ewe tit.

Nehemia 13:14

Ai Kot, kopwe chechemeniei fän äsengesin mine üa föri, nge kosap aücheangaua ai kewe föför mi mürina üa föri fän iten imwom me om kewe angang mi fis lon.

Nehemia 13:31

Iwe, üa pwal akota fansoun ineet ekewe aramas repwe uwato amwüchün ekewe asor me ekewe mwen ua. Ai Kot, kopwe chechemeni ei o afeiöchüei.

Nehemia 5:19

Ai Kot, kopwe chechemeni meinisin mine üa föri fän iten ekei aramas o afeiöchüei.

Kölfel 130:7

Ämi chon Israel, oupwe apilükülükü ewe Samol mi Lapalap. Pun tong ellet a nom ren ewe Samol mi Lapalap, a pwal watte an angangen amanaua aramas.

Kölfel 5:7

Nge ngang üpwe tolong lon imwom pokiten om we tong ellet mi lap o somwola. Üpwe fel ngonuk lon imwom we mi pin o chapetiu mwom fän menin.

Kölfel 51:1

Ai Kot, kopwe kirikiröch ngeniei lon om tong ellet, kopwe amoela ai pupungau lon om ümöümöch mi lapalap.

Aisea 38:3

Iwe, a apasa, “Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.

Aisea 49:23

King kana repwe tümwünuk usun eman sam, nge kiwiin repwe oupwu noum usun eman in. Repwe chapetiu fän mesom o chönmongöni pwülün pecheöm. Mürin kopwe silei pwe ngang ewe Samol mi Lapalap. Iwe, chokewe mi apilükülüküei resap lichipüng.

Aisea 55:7

Chon föföringau repwe likitala ar föför, nge chon pwüngingau kana repwe siwili ar ekiek. Repwe liwiniti ewe Samol mi Lapalap pwe epwe tongeäsiniir. Repwe kuliti ach Kot, pun a müttir le amusala tipis.

2. Korint 1:12

Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.

Tuteronomi 5:12

Kopwe tümwünü ewe ränin sapat pwe kopwe pinini, usun ngang ewe Samol mi Lapalap om Kot üa allük ngonuk.