Nehemia 13:2 - Chuukese Bible

² Pun ir resap souni ekewe chon Israel fän pilawa me koluk, lupwen ra towu seni Isip, nge ra fen möni Palam pwe epwe pälüeniir o anümamaueer. Nge äm we Kot a sorei ewe anümamau ngeni feiöch.

Nehemia 13:2 Iomraidhean Croise

Kölfel 109:28

Ir ra tongeni eäni kapasen anümamau ngeniei, nge en kopwe afeiöchüei. Chokewe mi ü ngeniei repwe küna säw. Nge ngang noum chon angang üpwe pwapwa.

Mika 6:5

Ämi nei aramas, oupwe pwal chechemeni mine Palak ewe kingen Moap a eäni rawangau ngenikemi, pwal mine Palam nöün Peor we mwän a eäni pälüen ngeni. Oupwe pwal chechemeni mine a fis, lupwen oua sai seni Sitim tori Kilkal, pwe oupwe silei mine Ngang ewe Samol mi Lapalap üa föri pwe üpwe amanauakemi.”

Numperis 23:18

Mürin, Palam a popuetä an kapasen osuni o üra, “Kopwe ütä, Palak, o rongorong. Kopwe aüselingaei, en nöün Sipor we mwän.

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Tuteronomi 23:3

Iwe, esap fokun wor eman chon Amon ika chon Moap, esap pwal wor eman mwirimwirin epwe choni nöün ewe Samol mi Lapalap we mwichen aramas, inamwo are a tori aengolun pilon.

Tuteronomi 23:4

Pun resap sounikemi fän pilawa me koluk won ewe al, lupwen oua towu seni Isip. Nge ra fen möni Palam nöün Peor we mwän seni Petor lon Mesopotamia, pwe epwe anümamauakemi.

Tuteronomi 23:5

Nge ewe Samol mi Lapalap ämi we Kot esap rongorong ngeni Palam, pwe a fen sorei ewe anümamau ngeni feiöch fän itemi, pun a tongeekemi.

2. Petrus 2:15

Ra tokola seni ewe al mi wenechar o mwalechela. Ra apirü föförün Palam nöün Peor we mi echeni ewe moni epwe angei seni an föri mine a ngau,