Nehemia 13:19 - Chuukese Bible

¹⁹ Iwe, üa allük pwe ekewe asamalapen Jerusalem repwe kapüngüla, lupwen a popuetä pwinila me mwen ewe ränin sapat, nge resap tongeni suksefäl tori wesin ewe ränin sapat. Üa pwal anomu ekoch me lein nei chon angang ren ekewe asamalap, pwe esap wor eman a tongeni uwalong och mettoch lon ewe telinimw lon ewe ränin sapat.

Nehemia 13:19 Iomraidhean Croise

Nehemia 13:20

Mürin, ekewe chon amömö mi amömö sokopaten pisek ra chök pwinipwin lükün tittin Jerusalem fän eu ika fän ruu.

Nehemia 7:3

Iwe, üa üreniir, “Ekewe asamalapen Jerusalem resap suk tori akkar a tinekeniken, nge repwe kapüng o lokkola, lupwen ekewe chon mas ra chüen mamas. Oupwe pwal filätä chon masen ewe tit seni lein ekewe chon Jerusalem, ekoch repwe mamasa lon en me an lenien mamas, nge ekoch repwe mamasa awenewenen en me imwan.”

Lifitikos 23:22

Iwe, lupwen oupwe kini resin fanüemi, ousap kiniela uän tanipimi tori kiännin, ousap pwal rusifengeni mine a turutiu seni kiniemi wiich. Iwe, oupwe likitirela fän iten chon wöüngau me chon ekis. I ewe Samol mi Lapalap ämi we Kot.

Lifitikos 23:32

Ei rän epwe eu ränin asösön sapat mi pin, ämi oupwe echikefel lon. Seni lekuniolun ewe atiuen ränin ewe maram tori lekuniolun sorotan oupwe apwönüetä ämi asösön sapat.

Johannes 5:10

Iei mine ekewe nöüwisen chon Juta ra üreni ewe mwän mi pöchökületä, “Ikenai ewe ränin sapat, esap pwüng ngeni allükün ach lamalam pwe kopwe uwei kiom.”