Nehemia 13:16 - Chuukese Bible

¹⁶ Mi pwal wor re Tirus ra nom lon Jerusalem, ra uwato ik me sokopaten pisek o amömö ngeni ekewe aramasen Juta lon ewe ränin sapat.

Nehemia 13:16 Iomraidhean Croise

Nehemia 13:15

Lon ekana fansoun üa küna ekoch aramas me lon Juta, ra üchüch wain lon ewe ränin sapat. Pwal ekoch ra iseis wiich, wain, föün wain me fiik pwal sokopaten mettoch won nöür aas o uweereto Jerusalem lon ewe ränin sapat. Iwe, üa fönöör pwe resap amömö ewe mongö lon ewe ränin sapat.

Nehemia 13:17

Mürin üa apwüngü ekewe aramas tekia seni Juta o üreniir, “Pwota oua föri ei sokun föföringau pwe oua apiningaua pinin ewe ränin sapat?

Ekistos 20:10

Nge ewe afisuen rän ewe ränin sapat fän itei ngang ewe Samol mi Lapalap om Kot. Kosap föri och angang lon, sap en are noum mwän are noum fefin, sap noum chon angang mwän are chon angang fefin, sap pwal noum man are ewe chon ekis mi nom leäpärum.

Ekistos 23:12

Iwe, lon wonu rän oupwe föri ämi angang, nge lon ewe afisuen rän oupwe asösö. Pun nöümi kow me nöümi aas repwe asösö, pwal nöümi amanau mi uputiu lon imwemi me ekewe chon ekis mi angang ngenikemi repwe ngasatä.

Tuteronomi 5:14

Nge ewe afisuen rän ewe ränin sapat fän iten ngang ewe Samol mi Lapalap om Kot. Kosap föri och angang lon, sap en are noum mwän are noum fefin, sap noum chon angang mwän are chon angang fefin, sap pwal noum ätemwänin kow are noum aas are noum sokopaten man are ewe chon ekis mi nom leäpärum. Iwe, noum chon angang mwän me chon angang fefin repwe asösö usun chök en.