Nehemia 13:15 - Chuukese Bible

¹⁵ Lon ekana fansoun üa küna ekoch aramas me lon Juta, ra üchüch wain lon ewe ränin sapat. Pwal ekoch ra iseis wiich, wain, föün wain me fiik pwal sokopaten mettoch won nöür aas o uweereto Jerusalem lon ewe ränin sapat. Iwe, üa fönöör pwe resap amömö ewe mongö lon ewe ränin sapat.

Nehemia 13:15 Iomraidhean Croise

2. Kronika 24:19

Inamwo än ewe Samol mi Lapalap tinala soufos leir, pwe repwe fönöör o aliwinisefäliir ngeni i, nge ekewe aramas resap mochen aüselingeer.

Nehemia 10:31

Nge are aramasen ekewe fanü repwe uwato pisek ika wiich pwe repwe amömö lon ewe ränin sapat, äm aisap kamö seniir lon ewe ränin sapat ika lon eu rän mi pin. Äm aisap fotuki och lon iteiten afisuen ier, aia pwal amusala än pwiim kewe liwinimang.

Nehemia 10:32

Iwe, äm aia pwal püsin pwon pwe aipwe püngütiu eu lewalu aunus silifer iteiten ier fän iten angangen imwen äm we Kot:

Nehemia 13:16

Mi pwal wor re Tirus ra nom lon Jerusalem, ra uwato ik me sokopaten pisek o amömö ngeni ekewe aramasen Juta lon ewe ränin sapat.

Nehemia 13:21

Nge ngang üa fönöör o üreniir, “Pwota oua pwinipwin lükün ewe tit? Are oupwe försefäli, üpwe pöchökül ngenikemi.” Seni ei fansoun resap chüen feito lon ewe ränin sapat.

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Hiop 39:12

Ifa usun, ka apilükülükü pwe epwe uwato kiniom wiich o ionato ngeni om lenien wichiwich umwun wiich?

Kölfel 50:7

“Ämi nei aramas, oupwe rongorong, ngang üpwe kapas. Ämi chon Israel, üpwe ü ngenikemi ren ai pwärätä usumi. Ngang Kot, ämi we Kot.

Ekistos 31:12

Iwe, ewe Samol mi Lapalap a kapas ngeni Moses,

Ekistos 31:16

Iei mine ekewe chon Israel repwe apini ewe ränin sapat o aüöchü pinin seni eu täppin aramas tori eu täppin, pwe asisilen eu pwon esemüch.

Ekistos 34:21

Iwe, wonu rän oupwe föri ämi angang, nge lon ewe afisuen rän oupwe asösö. Pwal lupwen fansoun tuw pwül me fansoun kinikin oupwe asösö.

Ekistos 35:2

Lon wonu rän oupwe föri ämi angang, nge ewe afisuen rän epwe eu ränin sapat mi pin ngenikemi, eu ränin asösö fän iten ewe Samol mi Lapalap. Eman mi föri och angang lon ei rän epwe ninnila.

Än Salomon Fos 28:4

Chokewe mi aleasolap ngeni ekewe allük ra mwareiti ekewe aramasangau, nge chokewe mi aleasochisi ekewe allük ra ü ngeniir.

Aisea 58:13

“Are kopwe tümwünuk pwe kosap apiningaua ewe ränin sapat, kosap pwal föri om angang lon ai rän mi pin, are kopwe aita ngeni ewe ränin sapat ränin pwapwa me pin o tümwünüöchü, pwe kosap kukuloufetal o föri püsin om angang lon, kosap pwal eäni kapas mi lomotongau,

Jeremaia 17:24

Iei alon ewe Samol mi Lapalap, “Nge are ämi oupwe aüselingaei, are ousap uwalong och lon asamalapen ei telinimw lon ewe ränin sapat, are oupwe pinini pinin ewe ränin sapat pwe ousap föri och angang lon,

Jeremaia 17:27

Nge are ousap mochen aüselingaei, are ousap pinini pinin ewe ränin sapat, nge oua mwärei och o tolong lon asamalapen Jerusalem lon ewe ränin sapat, mürin üpwe aküw eu ekkei pwe epwe kenala asamalapen ei telinimw, pwal ekewe imwen king, nge esap wor eman a tongeni kunuela.”

Jeremaia 42:19

Iwe, ewe Samol mi Lapalap a ürenikemi, ämi chokewe mi chüen manau me lon Juta, pwe ousap feila Isip. Oupwe fokun silei pwe ngang üa fönöökemi ikenai,

Isikiel 20:13

Nge ekewe chon Israel ra lükümach o ü ngeniei lon ewe fanüapö. Ra fokun purätiu ai kewe allük o aleasolapa ai kewe pwüüng aramas ra wisen aleasochisiir, pwe repwe manau ren. Iwe, ra pwal fokun apiningaua pinin ai kewe ränin sapat. Iei popun üa ekiekin awarato ai lingeringer wor lon ewe fanüapö, pwe repwe rosola meinisin.

Amos 8:5

Oua apasa, “Inet ewe chulapen popun maram epwe wes, pwe sipwe tongeni amömö föün wiich? Inet ewe ränin sapat epwe wes, pwe sipwe tongeni popuetä le amömö? Mürin sia tongeni akükünätiu ewe aükük o alapätä ewe liwin, pwe sipwe föri angangen atuputup ren eu kilo mi mwäl.

Mika 6:3

A apasa, “Ämi nei aramas, met üa föri ngenikemi? Ren met üa aweiresikemi? Oupwe pälüeniei.

Föför 2:40

Petrus a fönöü ir ren chomong kapas, a pese ngeniir o apasa, “Oupwe amanauakemi seni ewe feiengau epwe tori ei täppin aramas mi ngau!”

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

Kalatia 5:3

Üpwe asilesefäli ngenikemi, pwe ika eman mwän epwe tipeeu ngeni an epwe sirkomsais, ätewe epwe fokun aleasochisi ekewe Allük meinisin.

Efisos 4:17

Iwe, fän iten ach Samol üa fönöökemi pwe ousap sopwela le manaueni manauen chokewe mi nom lon rochopwak, pun ar ekiek a lomotongau,

Tuteronomi 8:19

Nge are oua manlükala ewe Samol mi Lapalap ämi we Kot o kul ngeni pwal ekoch kot pwe oupwe angang o fel ngeniir, üa fokun fönökemi ikenai pwe oupwe wesewesen rosola.

1. Tesalonika 4:6

Iwe, ren ei lapalap esap wor eman mwän epwe föri och mi mwäl ngeni chiechian souläng ika föri angangen atuputup ngeni. Äm aia fen ürenikemi ei me mwan o aia fokun fönöü ngenikemi, pwe ach Samol epwe apwüngü chokewe mi föri ei sokun föför mi ngau.