Nehemia 13:14 - Chuukese Bible

¹⁴ Ai Kot, kopwe chechemeniei fän äsengesin mine üa föri, nge kosap aücheangaua ai kewe föför mi mürina üa föri fän iten imwom me om kewe angang mi fis lon.

Nehemia 13:14 Iomraidhean Croise

2. King 20:3

“Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.

1. Kronika 29:3

Nge lükün ekei pisek üa amolätä fän iten ewe imwenfel üa pwal achu ngeni kolt me silifer seni püsin ai lenien iseis pisek mi aüchea. Iwe, pokiten üa aücheani imwen ai we Kot, üa fangala fän itan ekei mettoch:

2. Kronika 24:16

Iwe, ra peiaseni lon ewe telinimwen Tafit lein ekewe king, pun a föri föför mi mürina ngeni chon Israel, ngeni Kot me ewe imwenfel.

Esra 7:20

Nge ekewe pisek meinisin ka chüen mochen aea fän iten imwen om we kot, kopwe angei mön seni än ewe king lenien iseis moni.

Esra 7:24

Üa pwal asile ngenikemi pwe esap wor eman a tongeni angei ekewe sokopaten takises seni ekewe souasor, seni chon ewe ainangen Lefi, ekewe chon köl, ekewe chon mamasa asamalapen imwenfel, ekewe chon angang ngeni ewe imwenfel ika pwal seni ekewe ekoch chon angang ngeni ei imwen Kot.

Esra 7:27

Iwe, Esra a apasa, “Üa mwareiti ewe Samol mi Lapalap än äm kewe lewo we Kot mi atolonga ei sokun ekiek lon leluken ewe king, pwe epwe alinga imwen ewe Samol mi Lapalap lon Jerusalem.

Nehemia 13:22

Iwe, üa allük ngeni ekewe mwän seni ewe ainangen Lefi, pwe repwe püsin alimöchüür, repwe feito o mamasa ekewe asamalap, pwe aramas repwe pinini pinin ewe ränin sapat. Ai Kot, kopwe chechemeniei fän äsengesin pwal ei föför üa föri, kopwe ümöümöch ngeniei lon om tong ellet mi fokun lapalap.

Nehemia 13:31

Iwe, üa pwal akota fansoun ineet ekewe aramas repwe uwato amwüchün ekewe asor me ekewe mwen ua. Ai Kot, kopwe chechemeni ei o afeiöchüei.

Nehemia 5:19

Ai Kot, kopwe chechemeni meinisin mine üa föri fän iten ekei aramas o afeiöchüei.

Aisea 38:3

Iwe, a apasa, “Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

Pwärätä 3:5

Iö mi pwora ngeni mine a ngau epwe üföüf ei sokun üf mi pwechepwech, iwe, üsap amola itan seni ewe puken iten chon manau. Nge üpwe pwärätä pwe i nei mwen mesen Semei, pwal mwen mesen nöün kewe chon läng.