Nehemia 13:10 - Chuukese Bible

¹⁰ Üa pwal küna pwe ekewe aramas resap ngeni ekewe mwän seni ewe ainangen Lefi wiser. Iei mine ir me ekewe chon köl mi wisen föri ewe angang mi pin ra en me liwiniti an tanipi.

Nehemia 13:10 Iomraidhean Croise

2. Kronika 31:4

Hiskia a pwal allük ngeni ekewe aramas mi imweimw lon Jerusalem, pwe repwe uwala ekewe asor ngeni ekewe souasor me ekewe mwän seni ewe ainangen Lefi, pun iei wiser, pwe ir repwe tongeni fangala fansoun manauer ngeni ewe angang, ewe Samol mi Lapalap a fen allük usun.

Nehemia 10:37

Äm aipwe pwal uwato ren ekewe souasor lon ekewe rumwen iseis lon imwen äm we Kot öüwäem pilawa seni mwen kiniem wiich, pwal äm kewe asor seni uän ekewe irä meinisin, seni ewe wain me apüra. Aipwe pwal uwala ewe eu leengolun uän äm pwül ren ekewe mwän seni ewe ainangen Lefi, pun ir ra wisen ioni ekewe leengol seni lon sopum kewe meinisin.

Nehemia 10:39

Ekewe chon Israel me ekewe mwän seni ewe ainangen Lefi repwe uwato ekewe asor seni wiich, wain me apüra lon ekewe rumwen iseis ia ekewe pisek fän iten ewe imwenfel ra nom ie, pwal ia ekewe souasor mi angang, ekewe chon mamasa ekewe asamalapen imwenfel me ekewe chon köl ra nom ie. Äm aisap tümwününgau ngeni angangen imwen äm we Kot.

Nehemia 12:47

Iwe, lon ränin manauen Serupapel pwal lon ränin manauen Nehemia, chon Israel meinisin ra ngeni ekewe chon köl me chon mamasa asamalapen imwenfel wiser iteiten rän. Iwe, ra aimwüela wisen ekewe mwän seni ewe ainangen Lefi, nge ekewe mwän seni ewe ainangen Lefi ra aimwüela wisen ekewe mwirimwirin Aaron.

Aisea 43:23

Kosap eäni asoren kek noum sip ngeniei, kosap pwal asamoluei ren om asor. Üsap aweiresuk ren ai tütüngor asor senuk ika arianuk pwe kopwe uwato rei apach mi pwokus.

Malakai 3:8

Ifa usun, aramas repwe tongeni soläni och seni Kot? Nge ämi oua soläni och seniei. Nge oua ais, ‘Met aia soläni senuk?’ Ämi oua soläni och seni mine oua uwato pwe ämi leengol me ämi asor.

Numperis 35:2

“Kopwe allük ngeni ekewe aramasen Israel pwe repwe ngeni chon ewe ainangen Lefi ekoch telinimw seni ar kewe leni ra lenieni, pwe repwe imweimw lon. Repwe pwal ngeniir ekewe fanü mi nom pwelin ünükün ekewe telinimw.

Tuteronomi 12:19

Nge oupwe afälikemi pwe ousap manlükala ekewe mwän seni ewe ainangen Lefi lon ükükün ränin manauemi won fanüemi.