Nehemia 13:1 - Chuukese Bible

¹ Iwe, lon ena fansoun, lupwen ra aleani än Moses we puken allük ngeni ekewe aramas, ra küna me lon pwe esap wor eman chon Amon ika chon Moap epwe tongeni choni nöün Kot we mwichen aramas.

Nehemia 13:1 Iomraidhean Croise

2. King 23:2

Iwe, ewe king a feila ren imwen ewe Samol mi Lapalap, nge ekewe souakomwen Juta me ekewe chon Jerusalem meinisin, pwal ekewe souasor me soufos, ekewe aramas kis me aramas lap meinisin ra eti. Ewe king a aleani ngeniir kapasen lon ewe puken pwon ra küna me lon imwen ewe Samol mi Lapalap.

Nehemia 13:23

Lon ekana fansoun üa pwal küna re Juta mi pwüpwülü ngeni fin Astot, Amon me Moap.

Nehemia 2:10

Nge lupwen Sanpalat ewe re Horon me Topia ewe nöüwisen Amon ra rong ei pworaus, ra fokun oput pwe eman a feito pwe epwe kütta feiöchün chon Israel.

Nehemia 2:19

Nge lupwen Sanpalat ewe re Horon me Topia ewe nöüwisen Amon pwal Kesem ewe re Arapia ra rong usun, ra esitakem o turunufaseekem. Iwe, ra üra, “Met popun oua föri ei? Ifa usun, oua mochen ü ngeni ewe king?”

Nehemia 4:3

Nge Topia ewe re Amon mi nom ren a apasa, “Ellet, are eman foks epwe mwetetä won mine ra senisefälietä, epwe ataetiu ar tittin fau.”

Nehemia 8:2

Lon aeuin ränin ewe afisuen maram ewe souasor Esra a uwato ewe puken allük me mwen ewe mwichen aramas, ir ekewe mwän me fefin, pwal semirit meinisin mi tongeni weweiti.

Nehemia 9:3

Lon ükükün ülüngat kulok ra ütä won lenier, lupwen än ewe Samol mi Lapalap ar we Kot puken allük a alea ngeniir, nge lon pwal ükükün ülüngat kulok ra pwärätä ar tipis o fel ngeni ewe Samol mi Lapalap ar we Kot.

Aisea 34:16

Oupwe küttafichi o aleani seni än ewe Samol mi Lapalap we puk: Meinisin ekei man repwe nom, iteiten eman me eman epwe wor pwülüan. Pun ewe Samol mi Lapalap a allük pwe epwe iei usun, püsin i epwe achufengeniir.

Jeremaia 48:1

Iei usun mine ewe Samol mi unusen Manaman, ewe Koten Israel a apasa fänäsengesin Moap, “Feiengauen ekewe aramasen Nepo, pun ar telinimw a tala. Kiriataim a itengau o oola. Ewe imwen maun mi pöchökül a itengau o tatiu.

Amos 1:13

Iei alon ewe Samol mi Lapalap, “Chon Amon ra chök sopwela le föri tipis, iei mine üpwe fokun apwüngüür. Ra tileni luken fefin mi pwopwo me lon Kiliat, lupwen ar maun fän iten ar repwe awatteela kiännin fanüer.

Numperis 22:5

Iwe, a tinala chon künö ren Palam nöün Peor mwän lon Petor, a arap ngeni ewe chanpupu Oifrat lon ewe fanü Amaw. Iwe, ra uwei ngeni alon Palak o üreni, “Eu mwichen aramas a feito seni Isip, a pwölüela unusen ewe fanü o nonom kükü ngeniei.

Lukas 10:26

Jesus a pölüeni, “Met a mak lon ewe Allük? Met ka aleani?”

Föför 13:15

Mürin ar aleani seni än Moses kewe Allük me ekewe puken soufos, ekewe meilapen ewe imwen felikis ra tini eman an epwe üreniir, “Ämi pwiim kana, are a wor ämi afalafalen apöchöküla ekei aramas, oupwe kapas.”

Föför 15:21

Pun än Moses kewe Allük a fen alea fän chomong lon ekewe imwen felikis iteiten ränin sapat, nge an kewe kapas ra afalafala lon ekewe telinimw meinisin.”