Nehemia 12:44 - Chuukese Bible

⁴⁴ Iwe, lon ena fansoun ra filätä mwän repwe tümwünü ekewe rumw ia ra iseis ie ekewe lifang, ekewe mwen ua me ekewe leengol. Ra wisen ionifengeni seni ekewe tanipi mi nom ünükün ekewe telinimw ewe kinikin a fen pwüngüla lon allük o isenalong lon ekewe rumwen iseis fän iten ekewe souasor me ekewe mwän seni ewe ainangen Lefi. Iwe, ekewe chon Juta ra pwapwa ren angangen ekewe souasor me ekewe mwän seni ewe ainangen Lefi,

Nehemia 12:44 Iomraidhean Croise

1. Kronika 23:28

Iei ar angang, pwe repwe alisi ekewe souasor ir mwirimwirin Aaron ren angangen imwenfelin ewe Samol mi Lapalap. Ra wisen tümwünü ekewe leni lükün ewe imwenfel me ekewe rum mi nom lepekin, ra pwal wisen limeti ekewe pisek meinisin mi pin o föri sokopaten angangen lon.

1. Kronika 26:20

Iwe, chiener kewe seni ewe ainangen Lefi ra wisen tümwünü ewe lenien iseis pisek mi aüchea lon imwen Kot, pwal ekewe rumw ia ekewe pisek aramas ra fangala ngeni Kot ra nom ie.

1. Kronika 9:26

Nge ekewe föman meilapen chon mamasa asamalap, ir ekewe mwän seni ewe ainangen Lefi, ra pwal wisen tümwünü ekewe rumwen lon ewe imwenfel me ekewe pisek aüchea mi nom lon.

Nehemia 10:36

Äm aipwe uwato nöüm kewe mwänichi ren ekewe souasor mi angang lon imwen äm we Kot pwe nöün. Aipwe pwal uwato mweinöün nöüm pwiin kow me sip me kuuch, usun a fen mak lon ewe allük.

Än Salomon Fos 8:34

A feiöch ewe aramas mi aüselingaei, ätewe mi mamasa ai kewe asamalap iteiten rän o witiwit ünükün ai kewe asam.

Aisea 40:31

Nge chokewe mi anomu ar apilükülük won ewe Samol mi Lapalap repwe angei pöchökül mi fö. Repwe ässitä ren pöükässir usun chök ekewe asaf. Repwe fefeil, nge resap achanü. Repwe fetal, nge resap malülü.

Numperis 3:10

Iwe, kopwe awisa Aaron me nöün kewe mwän pwe repwe föri angangen wiser wisen souasor. Nge are eman me lükür epwe angelong lon ewe wis, epwe ninnila.”

Nöün Paulus Toropwe ngeni ekewe Souläng lon Rom 12:7

Are eman a tufichin angang lon mwichefel, epwe angang, are eman a tufichin asukul, epwe asukul.

Tuteronomi 18:8

Iwe, epwe wor inetin mongö usun chök inetin chienan kewe, inamwo ika a fen angei moni seni mine an me won saman a amömöla.”