Nehemia 12:43 - Chuukese Bible

⁴³ Lon ena rän ra eäni asor chomong mönün asor, ra pwal meseik, pun Kot a föri pwe repwe meseik fän pwapwa mi watte. Pwal ekewe fefin me semirit ra meseik. Iwe, aramas ra rongorong me toau än chon Jerusalem pwapwa.

Nehemia 12:43 Iomraidhean Croise

2. Kronika 20:13

Iwe, ekewe re Juta meinisin, pwülüer me nöür kewe ra ütä me fän mesen ewe Samol mi Lapalap.

2. Kronika 20:27

Mürin, Jehosafat a emwenala nöün kewe sounfiu ngeni Jerusalem fän pwapwa, pun ewe Samol mi Lapalap a akufu ekewe chon oputer.

2. Kronika 7:10

Iwe, lon rüe me ülüngatin ränin ewe afisuen maram Salomon a afeilai ekewe aramas ngeni lenier. Ra feila fän meseik me pwapwan leluker pokiten ekewe feiöch meinisin ewe Samol mi Lapalap a fang ngeni Tafit me Salomon, pwal ngeni nöün aramasen Israel.

Esra 3:13

Iwe, esap wor eman a tongeni weweiti ngingin ewe pwapwa fän leüömong me ngingin än ekewe aramas kechü, pun ngingir a fokun leüömong, pwe aramas ra tongeni rongorong me toau.

Nehemia 12:27

Iwe, lupwen fansoun efinünen ewe tittin Jerusalem ra kütta ekewe mwän seni ewe ainangen Lefi lon lenier kewe meinisin o emwenireto Jerusalem, pwe repwe föri efinünen ewe tit fän pwapwa, fän kölün kilisou, fän ar pisekin kaktai, fän tikin kitar me ükülele.

Nehemia 12:42

pwal Maseia, Semaia, Eleasar, Usi, Jehoanan, Malkia, Elam me Eser. Nge ekewe chon köl ra köl fän emwenien Jesraia.

Hiop 34:29

Are Kot a fanafanala, iö epwe tongeni apwüngü? Are i a amona mesan, iö epwe tongeni küna? Nge Kot a nemeni eman aramas usun chök an nemeni chon eu mwü,

Kölfel 27:6

Mürin üpwe chimwetä o nom asen ekewe chon oputaei mi pwelifeilei, üpwe asor lon imwan fän mweireiren pwapwa. Üpwe köl o ettiki pisekin ettik ngeni ewe Samol mi Lapalap.

Kölfel 28:7

Ewe Samol mi Lapalap a tümwünüei o epeti seniei feiengau, üa apilükülükü i, nge i a alisiei. Iei mine üa fokun pwapwa. Üpwe kilisou ngeni o kölün mwareiti.

Kölfel 9:2

Üpwe pwapwa o ingemwareituk, üpwe kölün mwareituk, En ewe mi Unusen Tekia.

Kölfel 92:4

Pun en, ai Samol mi Lapalap, ka apwapwaei ren om föför. Üa köl fän pwapwa ren mine en ka föri.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Jeremaia 31:13

Mürin, ekewe föpwül repwe meseik lon ar pwörük, nge ekewe alüal me chinlap repwe pwapwa. Üpwe awili ar letipeta ngeni pwapwa. Üpwe achipeer o fang ngeniir pwapwa akasiwilin ar lolilen.

Jeremaia 33:11

kölün mweireir me kölün pwapwa, apwapwan mongön apwüpwülü, pwal mwelien chokewe mi köl, lupwen ra uwato ar asoren kilisou lon imwei. Iwe, repwe apasa, ‘Ousipwe kilisou ngeni ewe Samol mi Unusen Manaman, pun i a kirikiröch, an tong ellet a nom tori feilfeilachök.’ Pun ngang üpwe aliwini wöün ewe fanü usun me mwan. Ngang ewe Samol mi Lapalap üa kapas.”

Numperis 10:10

Oupwe ettiki ekewe rappwa pwal lon ränin ämi pwapwa, lupwen fansoun ämi kewe chulap mi kefilitä me lepoputän ekewe maram. Oupwe ettiki ekewe rappwa lupwen fansoun ämi eäni asoren kek me asoren kinamwe. Mürin üpwe alisikemi. Ngang ewe Samol mi Lapalap ämi we Kot.”

Mateus 21:15

Nge lupwen ekewe souasor mi lap me ekewe Sensen Allük ra küna ekewe manaman mi amwarar Jesus a föriir, ra pwal küna ekewe semirit mi kökkö lon ewe imwenfel, “Sipwe mwareiti Nöün Tafit,” ra song.

Mateus 21:9

Iwe, ekewe chomongun aramas mi akom mwen Jesus, pwal chokewe mi tapweto mürin ra popuetä le kökkö, “Sipwe mwareiti Nöün Tafit! Kot epwe afeiöchü ätewe mi feito fän iten ewe Samol! Ousipwe mwareiti Kot!”

Johannes 16:22

Ina usun pwal ämi: Iei oua lolilen, nge üpwe pwal künasefälikemi, mürin lelukemi epwe ur ren pwapwa, nge ei pwapwa esap wor eman epwe tongeni angei senikemi.

Efisos 5:19

Oupwe aea le kapasfengen lefilemi ekewe kölfel, ekewe kölün lamalam me ekewe köl mi pin. Oupwe kölü ekewe kölün lamalam me ekewe kölfel ngeni ach Samol, oupwe mwareiti i lon lelukemi.

James 5:13

Iö me leimi a nom lon weires? Epwe iotek. Iö me leimi a pwapwa? Epwe kölün mwareiti Kot.

1. Samuel 4:5

Iwe, lupwen än ewe Samol mi Lapalap we pworofel a tori lenier we, chon Israel meinisin ra mweireir fän leüömong, pwe ewe fanü a chechech ren.