Nehemia 12:30 - Chuukese Bible

³⁰ Iwe, ekewe souasor me ekewe mwän seni ewe ainangen Lefi ra püsin alimöchüür, ra pwal alimöchü ekewe aramas o föri angangen alimelim ngeni ekewe asamalap me ewe tit.

Nehemia 12:30 Iomraidhean Croise

Keneses 35:2

Iei mine Jakop a kapas ngeni chon leimwan me chokewe meinisin mi eti, “Oupwe pöütala ekewe uluulun anümwäl mi wor remi, oupwe pwal limetikemi o siwili üfemi.

1. Kronika 15:14

Iei mine ekewe souasor me ekewe mwän seni ewe ainangen Lefi ra apiniir, pwe repwe uwato ewe pworofel än ewe Samol mi Lapalap ewe Koten Israel.

2. Kronika 29:34

Nge ekewe souasor ra men chokükün, iei popun resap tongeni atika silin ekewe mönün asoren kek meinisin. Iei mine pwiir kewe ekewe mwän seni ewe ainangen Lefi ra alisiir tori ewe angang a wes, pwal tori ekewe souasor meinisin ra apiniir. Pun ekewe mwän seni ewe ainangen Lefi ra tiliken le püsin apiniir lap seni ekewe souasor.

2. Kronika 29:5

Iwe, a üreniir, “Oupwe aüselingaei, ämi chon ewe ainangen Lefi. Oupwe apinikemi, oupwe pwal apini imwen ewe Samol mi Lapalap än ämi kewe lewo we Kot, o atowu ewe limengau seni ewe leni mi pin.

Esra 6:21

Iwe, ekewe aramasen Israel mi liwinto seni ar oola ra ochei ekewe mönün Pasofer, pwal meinisin mi chu ngeniir, ir chokewe mi aimwürela seni än aramasen ewe fanü kewe föför mi ngau, pwe repwe fel ngeni ewe Samol mi Lapalap ewe Koten Israel.

Nehemia 12:29

pwal seni Pet-kilkal me ekewe fanü Kepa me Asmafet. Pun ekewe chon köl ra aüetä telinimw fän iter pwelin ünükün Jerusalem.

Nehemia 13:22

Iwe, üa allük ngeni ekewe mwän seni ewe ainangen Lefi, pwe repwe püsin alimöchüür, repwe feito o mamasa ekewe asamalap, pwe aramas repwe pinini pinin ewe ränin sapat. Ai Kot, kopwe chechemeniei fän äsengesin pwal ei föför üa föri, kopwe ümöümöch ngeniei lon om tong ellet mi fokun lapalap.

Nehemia 13:30

Iei usun üa limeti ekewe aramas seni föförün ekewe chon ekis meinisin o akota wisen ekewe souasor me wisen ekewe mwän seni ewe ainangen Lefi, eman me eman ngeni an angang.

Hiop 1:5

Nge lupwen ekewe ränin kametip ra wesila, Hiop a tiitiir pwe epwe apiniir. A pwätä lesosorusich o eäni eu asoren kek fän iten nöün kewe meinisin, pun a üra, “Eli a fis pwe nei kewe alüal ra tipis o amamäsini Kot lon leluker.” Iei usun Hiop a föri fansoun meinisin.

Ekistos 19:10

Iwe, ewe Samol mi Lapalap a üreni Moses, “Kopwe feila ren ekewe aramas o apiniir ikenai me lesor. Repwe sopuni üfer

Ekistos 19:15

Iwe, Moses a üreni ekewe aramas, “Oupwe amolakemi ngeni ewe aülüngatin rän, ousap kon ren eman fefin.”

Ipru 5:1

Iwe, iteiten souasor mi lap a kefilitä me lein aramasan, a angei wisan an epwe angang ngeni Kot fän iten ekewe aramas, pwe epwe föri angangen asor o föri ekewe asoren tipis.

Ipru 5:3

Iwe, pokiten püsin i a apwangapwang, epwe fokun föri asoren amusamusen tipis, sap fän iten chök än ekewe aramas tipis, pwe pwal fän iten püsin an tipis.