Nehemia 12:28 - Chuukese Bible

²⁸ Iwe, ekewe chon köl seni familien chon ewe ainangen Lefi ra chufengen seni ekewe leni pwelin ünükün Jerusalem, seni ekewe sop ia ekewe chon Netofa ra nom ie,

Nehemia 12:28 Iomraidhean Croise

1. Kronika 2:54

Nge ekewe mwirimwirin Salma semelapen chon Petleem: Ekewe chon Netofat, chon Atrot-Petjoap, esopun chon Manahat me ekewe chon Sor.

1. Kronika 9:16

me Opatia nöün Semaia, Semaia nöün Kalal, nge Kalal nöün Jetutun, pwal Perekia nöün Asa, nge Asa nöün Elkana, ätewe mi nom lon wisoposopun lenien chon Netofa.

Nehemia 12:29

pwal seni Pet-kilkal me ekewe fanü Kepa me Asmafet. Pun ekewe chon köl ra aüetä telinimw fän iter pwelin ünükün Jerusalem.

Nehemia 13:10

Üa pwal küna pwe ekewe aramas resap ngeni ekewe mwän seni ewe ainangen Lefi wiser. Iei mine ir me ekewe chon köl mi wisen föri ewe angang mi pin ra en me liwiniti an tanipi.

Nehemia 3:22

Nge ekewe souasor mi imweimw ünükün Jerusalem ra senisefälietä ewe kinikin ünükün.

Nehemia 6:2

Mürin, Sanpalat me Kesem ra titito rei o üra, “Kopwe feito pwe sipwe chufengen lon eu kewe sop lon ewe maasiesin Ono.” Nge ir ra ekiekin afeiengauei.

Nehemia 7:26

Iei iteiten ekewe mwän mi pwal liwinsefäl seni ar oola, lewor ra pop seni ekei telinimw: Seni Petleem me Netofa ükükün ipükü walik me waluman.