Nehemia 12:27 - Chuukese Bible

²⁷ Iwe, lupwen fansoun efinünen ewe tittin Jerusalem ra kütta ekewe mwän seni ewe ainangen Lefi lon lenier kewe meinisin o emwenireto Jerusalem, pwe repwe föri efinünen ewe tit fän pwapwa, fän kölün kilisou, fän ar pisekin kaktai, fän tikin kitar me ükülele.

Nehemia 12:27 Iomraidhean Croise

2. Samuel 6:12

Iwe, eman a asile ngeni ewe king Tafit, “Ewe Samol mi Lapalap a afeiöchü chon leimwen Opet-etom me meinisin mine a eäni, pokiten än Kot we pworofel a nom ren.” Iei mine Tafit a feila, a uwei än Kot we pworofel seni imwen Opet-etom o uwala ngeni Jerusalem fän pwapwa.

1. King 8:63

Iwe, Salomon a eäni asoren kinamwe ngeni ewe Samol mi Lapalap ükükün rüe me ruungeröü ätemwänin kow me ipükü rüe ngeröü sip. Iei usun ewe king me ekewe aramasen Israel meinisin ra efinüna imwen ewe Samol mi Lapalap.

1. Kronika 13:8

Tafit me chon Israel meinisin ra pworuk fän unusen ar pöchökül me fän mesen Kot ren köl me tikin ükülele me kitar, pwal ren sokopaten pisekin kaktai me rappwa.

1. Kronika 15:12

Iwe, a üreniir, “Ämi mwänirelan än semelapemi kewe cho seni ewe ainangen Lefi, oupwe apinikemi, ämi me pwimi, pwe oupwe uwato ewe pworofel än ewe Samol mi Lapalap ewe Koten Israel lon ewe leni üa amolätä fän itan.

1. Kronika 15:16

Iwe, Tafit a pwal allük ngeni ekewe samolun chon ewe ainangen Lefi, pwe repwe filätä chon köl me lein pwiir kana, pwe repwe köl o ettiki sokopaten pisekin ettik fän pwapwa, repwe ettik kitar me ükülele o aea pisekin kaktai.

1. Kronika 15:28

Iei usun chon Israel meinisin ra uwato än ewe Samol mi Lapalap we pworofel fän mweireiren pwapwa, fän tikin sokopaten rappwa, fän kaktai, pwal fän tikin kitar me ükülele.

1. Kronika 15:4

Iwe, Tafit a pwal achufengeni ekewe mwirimwirin Aaron me ekewe mwän seni ewe ainangen Lefi:

1. Kronika 16:42

Iwe, Heman me Jetutun ra wisen tümwünü ekewe rappwa me pisekin kaktai, pwal sokopaten pisekin ettik ra aea le ettiki ekewe köl mi pin. Nge nöün Jetutun kewe mwän ra kefil pwe repwe mamasa ewe asamalap.

1. Kronika 16:5

Iwe, Asaf a fil pwe ar samol, ewe kisin fän Sekaria. Nge Jeiel, Semiramot, Jehiel, Matitia, Eliap, Penaia, Opet-etom me Jeiel ra wisen ettik kitar me ükülele. Asaf a wisen ettik ekewe pisekin kaktai,

1. Kronika 23:5

Rüanüngeröü repwe wisen mamasa ekewe asamalap, pwal rüanüngeröü repwe wisen mwareiti ewe Samol mi Lapalap ren sokopaten pisekin ettik üa föri fän iten kölün mwareiti Kot.”

1. Kronika 26:31

Jeria samolun ekewe mwirimwirin Hepron. Lon afaiken ierin mwün Tafit ra kütta sounfiu mi fokun pwora me lein ekewe mwirimwirin Hepron. Iwe, ra küneer pwe ra nom lon Jaser lon ewe fanü Kiliat.

2. Kronika 29:25

Iwe, ewe king Hiskia a alenia ekewe mwän seni ewe ainangen Lefi lon imwen ewe Samol mi Lapalap fän pisekin kaktai, fän kitar me ükülele, usun mine Tafit me Kat nöün ewe king we soufos, pwal ewe soufos Natan ra allük, pun ei allük ekewe soufos ra apasa fän alon ewe Samol mi Lapalap.

2. Kronika 29:30

Iwe, ewe king Hiskia me nöün kewe nöüwis ra allük ngeni ekewe mwän seni ewe ainangen Lefi, pwe repwe kölün mwareiti ewe Samol mi Lapalap ren ekewe köl Tafit me ewe soufos Asaf ra föri. Iei usun ra kölün mwareiti Kot fän pwapwa, ra chapetiu o fel ngeni.

2. Kronika 5:13

Ekewe chon ettiki rappwa me ekewe chon köl ra chietäpök le mwareiti ewe Samol mi Lapalap o kilisou ngeni. Iwe, ra chietä ar köl fiti tikin rappwa, pisekin kaktai me sokopaten pisekin ettik o mwareiti ewe Samol mi Lapalap, “Kot a kirikiröch, an tong ellet a nonom tori feilfeilachök.” Lon ei otun imwen ewe Samol mi Lapalap a urela ren eu kuchu,

2. Kronika 7:6

Nge ekewe souasor ra ütä me lon lenier, pwal ekewe mwän seni ewe ainangen Lefi, ra mwareiti ewe Samol mi Lapalap fän sokopaten pisekin ettik ewe king Tafit a föri pwe repwe aea le eäni ei kölün kilisou, ‘An tong ellet a nonom tori feilfeilachök,’ usun Tafit a awisa ngeniir. Iwe, ekewe souasor ra ettiki ekewe rappwa, nge ekewe chon Israel meinisin ra ütä.

Esra 6:16

Mürin, ekewe aramasen Israel, ir ekewe souasor me ekewe mwäns seni ewe ainangen Lefi, pwal chokewe meinisin mi liwinto seni ar oola ra föri efinünen ei imwen Kot fän pwapwa.

Nehemia 11:20

Nge ekewe lusun chon Israel, ekewe lusun souasor me chon ewe ainangen Lefi ra nonom lon ekewe telinimwen Juta lon en me püsin fanüan.

Nehemia 12:43

Lon ena rän ra eäni asor chomong mönün asor, ra pwal meseik, pun Kot a föri pwe repwe meseik fän pwapwa mi watte. Pwal ekewe fefin me semirit ra meseik. Iwe, aramas ra rongorong me toau än chon Jerusalem pwapwa.

Nehemia 8:17

Iwe, ekewe aramas meinisin mi liwinto seni ar oola ra föri likachoch o nonom lor. Pun seni fansoun Josua nöün Nun we mwän tori ei rän ekewe aramasen Israel resap föri mwo iei usun. Iwe, a fis watten pwapwa.

Kölfel 149:3

Repwe mwareiti itan fän pworuk o köl ngeni fän pisekin kaktai me ükülele.

Kölfel 30:1

Ai Samol mi Lapalap, üpwe ingeituk, pun ka amanauaei, nge kosap mwüt ngeni ekewe chon pälüeniei pwe repwe ämängauaei.

Tuteronomi 16:11

Iwe, oupwe pwapwa me fän mesen ewe Samol mi Lapalap ämi we Kot lon ewe leni epwe filätä pwe aramas repwe fel ngeni ie, ämi me nöümi mwän me fefin, nöümi chon angang mwän me chon angang fefin, pwal chon ewe ainangen Lefi mi nom lon ämi kewe telinimw, ekewe chon ekis, ekewe mi mäsen me ekewe fefin mi mä pwülüer ra nom leimi.

Tuteronomi 20:5

Mürin ekewe meilap repwe kapas ngeni ekewe sounfiu o üreniir, ‘Ifa usun, epwe wor eman mwän ikei mi aüetä imwan, nge esamwo asopwu? Ätewe epwe liwiniti imwan. Pun a tongeni mäla lon maun, nge pwal eman mwän epwe asopwu imwan.

Filipi 4:4

Oupwe pwapwa lon ach Samol fansoun meinisin, üpwe apasasefäli: Oupwe pwapwa!

Pwärätä 5:8

Lupwen a föri iei usun, ekewe föman mönümanau me ekewe rüwe me föman souakom ra chapetiu mwen ewe Lam. Eman me eman a wor an pisekin ettik me eu sepi mi ur ren apach mi pwokus, iei än ekewe chon pin iotek.