Nehemia 11:3 - Chuukese Bible

³ Nge lon ekewe lusun telinimwen Juta ekewe chon Israel, ekewe souasor, ekewe mwän seni ewe ainangen Lefi, ekewe chon angang ngeni ewe imwenfel me ekewe mwirimwirin nöün Salomon kewe chon angang ra nonom lon en me lenian lon ar kewe telinimw. Ikkei iten ekewe samolun ewe fanü Juta mi nom lon Jerusalem:

Nehemia 11:3 Iomraidhean Croise

Esra 2:1

Iwe, chomong seni ekewe aramas mi oola lon Papilon ra liwinsefäliti Jerusalem me Juta lon en me poputän telinimwan. Ir chokewe ewe king Nepukatnesar a uweerela Papilon me lom.

Esra 2:43

Ikkei ir ekewe chon angang ngeni imwenfel mi liwinsefäl seni ar oola: Ekewe mwirimwirin Siha, Hasufa me Tapaot,

Esra 2:70

Iwe, ekewe souasor, chon ewe ainangen Lefi me ekoch me lein ekewe aramas ra nonom lon Jerusalem me wisoposopun. Nge ekewe chon köl, ekewe chon mamasa asamalapen imwenfel, pwal ekewe chon angang ngeni ewe imwenfel me ekewe lusun chon Israel meinisin ra nonom lon en me an telinimw.

Nehemia 11:20

Nge ekewe lusun chon Israel, ekewe lusun souasor me chon ewe ainangen Lefi ra nonom lon ekewe telinimwen Juta lon en me püsin fanüan.

Nehemia 11:4

Seni chon ewe ainangen Juta: Ataia nöün Usia we mwän, Usia nöün Sekaria, Sekaria nöün Amaria, Amaria nöün Sefatia, Sefatia nöün Malalel, nge Malalel eman mwirimwirin Peres.

Nehemia 7:39

Iei iteiten ekewe souasor mi liwinsefäl seni ar oola: Ekewe mwirimwirin Jetaia, ir chon leimwen Jesua ükükün tiupükü fik me ülüman.

Nehemia 7:43

Iei iteiten chon ewe ainangen Lefi mi liwinsefäl seni ar oola: Ekewe mwirimwirin Jesua me Katmiel, ir mwirimwirin Hotawia ükükün fik me föman.

Nehemia 7:46

Ikkei ir ekewe chon angang ngeni imwenfel mi liwinsefäl seni ar oola: Ekewe mwirimwirin Siha, Hasufa me Tapaot,

Nehemia 7:6

Ikkeiir ekewe aramas mi oola lon Papilon ra liwinsefäliti Jerusalem me Juta lon en me poputän telinimwan. Ir chokewe ewe king Nepukatnesar a uweerela Papilon me lom.

Nehemia 7:7

Iwe, nöür kewe souemwen Serupapel, Jesua, Nehemia, Asaria, Ramia, Naamani, Mortekai, Pilsan, Misperet, Pikwai, Nehum me Paana. Iei iteiten ekewe mwän seni ekewe aramasen Israel mi liwinsefäl seni ar oola:

Nehemia 7:73

Iwe, ekewe souasor me chon ewe ainangen Lefi, ekewe chon mamasa asamalapen imwenfel, ekewe chon köl, ekoch me lein ekewe aramas, ekewe chon angang ngeni ewe imwenfel me ekewe lusun chon Israel meinisin ra nonom lon en me an telinimw.