Nehemia 11:18 - Chuukese Bible

¹⁸ Iwe, ekewe mwän seni ewe ainangen Lefi meinisin mi nom lon Jerusalem ewe telinimw mi pin ükükün ruupükü walik me föman.

Nehemia 11:18 Iomraidhean Croise

1. King 11:13

Üsap angei seni unusen ewe mwü, nge üpwe likiti ngeni eu chök ainang fän iten Tafit nei we chon angang, pwal fän iten Jerusalem ewe telinimw üa filätä.”

Nehemia 11:1

Iwe, ekewe souemwenin aramas ra nom lon Jerusalem. Nge ekewe lusun aramas ra üttüt won eu famili me lein engol famili pwe epwe feito o nonom lon Jerusalem ewe telinimw mi pin, nge ekewe tiu lusun repwe nonom lon en me an telinimw.

Nehemia 11:17

Pwal Matania nöün Mika we mwän, Mika nöün Sapti, nge Sapti eman mwirimwirin Asaf, i souemwenin ewe mwichen chon köl a wisen chietä ewe kölün kilisou lupwen fansoun iotek. Iwe, Pakpukia ewe aruomanün me lein märärin kewe, pwal Apta nöün Samua we mwän, Samua nöün Kalal, nge Kalal eman mwirimwirin Jetutun.

Nehemia 11:19

Iwe, iten ekewe chon mamasa asamalapen imwenfel Akup me Talmon fiti märärir kewe ükükün ipükü fik me ruoman.

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Mateus 24:15

“Iwe, ämi oupwe küna ewe ‘Mettoch mi Eniweniw’, ewe soufos Taniel a kapas usun. Epwe nom lon ewe leni mi pin. (Ewe chon aleani epwe weweiti met wewen ei.)

Mateus 27:53

Ra towu seni ekewe peias mürin än Jesus manausefäl seni mäla o feila lon ewe Telinimw mi Pin ia chomong aramas ra küneer me ie.

Mateus 4:5

Mürin ewe Tefil a panala Jesus Jerusalem, ewe telinimw mi pin o aütai won ungen ewe imwenfel.

Pwärätä 11:2

Nge kosap aükü ekewe leni lükün ewe imwenfel, pun Kot a ngeni ekewe chon lükün Israel ar repwe puri ewe Telinimw mi Pin lon ükükün faik me ruu maram.

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.