Nehemia 10:39 - Chuukese Bible

³⁹ Ekewe chon Israel me ekewe mwän seni ewe ainangen Lefi repwe uwato ekewe asor seni wiich, wain me apüra lon ekewe rumwen iseis ia ekewe pisek fän iten ewe imwenfel ra nom ie, pwal ia ekewe souasor mi angang, ekewe chon mamasa ekewe asamalapen imwenfel me ekewe chon köl ra nom ie. Äm aisap tümwününgau ngeni angangen imwen äm we Kot.

Nehemia 10:39 Iomraidhean Croise

2. King 7:10

Iei mine ra feito ren tittin ewe telinimw o kökkötä ren ekewe chon masen ewe asamalap, “Äm aia tori lenien ekewe sounfiun Siria, nge aisap küna eman ika rongorong mwelien eman. A chök wor oris me aas mi föfö, pwal ekewe imw mangaku.”

2. Kronika 31:11

Mürin, Hiskia a allük, pwe repwe amolätä ekoch rum me lon imwen ewe Samol mi Lapalap. Iwe, ra amoleretä.

2. Kronika 31:12

Mürin, ekewe aramas ra uwato fän allükülük ekewe lifang, ekewe leengol me ekewe mettoch ra apini. Iwe, Konania, eman mwän seni ewe ainangen Lefi, i ewe meilapen chon tümwünü ekei mettoch, nge kisin fan pwin we itan Simei.

Nehemia 12:47

Iwe, lon ränin manauen Serupapel pwal lon ränin manauen Nehemia, chon Israel meinisin ra ngeni ekewe chon köl me chon mamasa asamalapen imwenfel wiser iteiten rän. Iwe, ra aimwüela wisen ekewe mwän seni ewe ainangen Lefi, nge ekewe mwän seni ewe ainangen Lefi ra aimwüela wisen ekewe mwirimwirin Aaron.

Kölfel 122:9

Pokiten imwen ewe Samol mi Lapalap ach we Kot üpwe kütta om feiöch.

Numperis 18:26

“Kopwe pwal üreni chon ewe ainangen Lefi: Lupwen oupwe angei seni ekewe aramasen Israel ewe leengol ewe Samol mi Lapalap a ngenikemi pwe wisemi, ämi oupwe pwal eäni asor ngeni ewe Samol mi Lapalap eu leengol seni ewe leengol oua angei.

Numperis 18:30

Iwe, kopwe pwal üreni chon ewe ainangen Lefi: Lupwen oua wes le eäni asor mine a fokun mürina, ewe lusun epwe usun chök ekewe föün wiich seni püsin ämi lenien wichiwich umwun wiich, pwal usun chök ewe wain seni ämi lenien üchüch föün irän wain ngenikemi.

Tuteronomi 12:17

Iwe, ousap mongö ewe eu leengolun kiniemi föün wiich ika ünümi ewe eu leengolun ünümemi wain ika eäni ewe eu leengolun ämi apüra lon ämi kewe telinimw. Ousap pwal ochoch mweinöün nöumi pwiin kow ika sip. Ousap ochoch ämi asoren pwon oua pwon won, ika ämi asor seni püsin letipemi, ika ekewe sokopaten asor oua fang.

Ipru 10:25

Sisap likiti ach eti ach mwichfengen usun ekoch ra föföri. Nge sipwe fokun apöchökülafengenikich lefilach, pun sia silei pwe Ränin ach Samol a arapoto.