Nehemia 10:38 - Chuukese Bible

³⁸ Nge ekewe souasor ir mwirimwirin Aaron repwe eti ekewe mwän seni ewe ainangen Lefi, lupwen repwe angei ekewe leengol. Iwe, ekewe mwän seni ewe ainangen Lefi repwe uwato eu leengol seni ekewe leengol lon ekewe rumwen iseis lon imwen äm we Kot.

Nehemia 10:38 Iomraidhean Croise

1. Kronika 9:26

Nge ekewe föman meilapen chon mamasa asamalap, ir ekewe mwän seni ewe ainangen Lefi, ra pwal wisen tümwünü ekewe rumwen lon ewe imwenfel me ekewe pisek aüchea mi nom lon.

Nehemia 13:31

Iwe, üa pwal akota fansoun ineet ekewe aramas repwe uwato amwüchün ekewe asor me ekewe mwen ua. Ai Kot, kopwe chechemeni ei o afeiöchüei.

Lifitikos 27:30

Iwe, ämi leengol meinisin seni ewe fanü, ese lifilifil ika föün irän wiich mi mär won pwül ika uän sokopaten irä, än ewe Samol mi Lapalap. Ekewe leengol meinisin ra pin fän iten ewe Samol mi Lapalap.

Numperis 15:19

“Lupwen oupwe eni mongön ewe fanü, oupwe aimwüela eu kinikin seni, pwe eu asor ngeni ewe Samol mi Lapalap.

Numperis 15:21

Oupwe eäni asor ngeni ewe Samol mi Lapalap eföü pilawa seni mwen öüwämi pilawa. Ei allük epwe fän itemi seni eu täppin aramas tori eu täppin.

Numperis 18:21

Iwe, üa ngeni chon ewe ainangen Lefi än chon Israel leengol meinisin ra uwato rei, pwe wiser fän iten ar angang lon ewe imwenfel seni mangaku.

Numperis 18:24

Pun än ekewe aramasen Israel leengol ra eäni asor ngeniei üa ngeni chon ewe ainangen Lefi pwe wiser. Iei popun üa üreniir pwe esap wor wiser fanü me lein ekewe aramasen Israel.”

Tuteronomi 14:22

“Iwe, oupwe aimwüela eu leengolun uän fotämi irä meinisin iteiten ier.