Nehemia 10:37 - Chuukese Bible

³⁷ Äm aipwe pwal uwato ren ekewe souasor lon ekewe rumwen iseis lon imwen äm we Kot öüwäem pilawa seni mwen kiniem wiich, pwal äm kewe asor seni uän ekewe irä meinisin, seni ewe wain me apüra. Aipwe pwal uwala ewe eu leengolun uän äm pwül ren ekewe mwän seni ewe ainangen Lefi, pun ir ra wisen ioni ekewe leengol seni lon sopum kewe meinisin.

Nehemia 10:37 Iomraidhean Croise

2. Kronika 31:6

Iwe, ekewe aramasen Israel me Juta mi imweimw lon ekewe telinimwen Juta ra pwal uwato eu leengolun nöür kewe pwiin kow me sip, pwal ekewe mettoch ra apini fän iten ewe Samol mi Lapalap ar we Kot. Iwe, ra uwato ekei mettoch o achukuchukuretä.

Nehemia 13:10

Üa pwal küna pwe ekewe aramas resap ngeni ekewe mwän seni ewe ainangen Lefi wiser. Iei mine ir me ekewe chon köl mi wisen föri ewe angang mi pin ra en me liwiniti an tanipi.

Nehemia 13:12

Mürin, ekewe chon Juta meinisin ra uwato ekewe leengolun wiich, wain me apüra seni föün olif lon ekewe rumwen iseis.

Nehemia 13:5

Iwe, Eliasip a mwütätä ngeni Topia eu rumw watte ia ra iseis ie me mwan ewe asoren mongö, ewe apach mi pwokus, ekewe pisek fän iten imwenfel, ekewe asor fän iten ekewe souasor me ekewe leengolun wiich, wain me apüra fän iten ekewe mwän seni ewe ainangen Lefi, ekewe chon köl me ekewe chon mamasa asamalapen imwenfel.

Nehemia 13:9

Mürin üa allük pwe repwe föri angangen limelim lon ewe rumw, üa pwal aliwinala ekewe pisek fän iten ewe imwen Kot, ewe asoren mongö me ewe apach mi pwokus.

Ekistos 13:12

oupwe aimwüela fän iten ewe Samol mi Lapalap ät meinisin mi akomwen uputiu. Ekewe ätemwänin man meinisin mi akomwen uputiu repwe nöün ewe Samol mi Lapalap.

Ekistos 13:2

“Oupwe apini fän itei ekewe mwänichi meinisin. Iwe, meinisin mine a akomwen uputiu lein aramas me man lon Israel nei.”

Lifitikos 23:17

Oupwe uwato seni lon en me imwan ruofoch pilawa pwe repwe assaw. Ekewe pilawa repwe för seni rüanü paun pilawa mi amas o mürina, repwe um fiti iis, pwe ämi mwen ua ngeni ewe Samol mi Lapalap.

Malakai 3:10

Oupwe uwato unusen ämi leengol lon ewe imwenfel, pwe epwe wor mongö lon imwei we. Ren ei oupwe sotuniei ika üsap suki ekewe asammwachon läng fän itemi o ninätiu womi chomong sokun feiöch mi somwola.

Malakai 3:8

Ifa usun, aramas repwe tongeni soläni och seni Kot? Nge ämi oua soläni och seniei. Nge oua ais, ‘Met aia soläni senuk?’ Ämi oua soläni och seni mine oua uwato pwe ämi leengol me ämi asor.

Numperis 18:15

Meinisin mine a akomwen uputiu me lein aramas ika man chon Israel ra eäni asor ngeniei repwe noum. Nge mwänichien aramas repwe liwini ngonuk won moni pwal usun chök mweinöün man mi limengau.

Numperis 18:18

Nge fituker ochom, usun chök ewe leup seni ewe asor mi assaw me ewe pelifichin pechen pwal ochom.

Numperis 18:21

Iwe, üa ngeni chon ewe ainangen Lefi än chon Israel leengol meinisin ra uwato rei, pwe wiser fän iten ar angang lon ewe imwenfel seni mangaku.

Nöün Paulus Toropwe ngeni ekewe Souläng lon Rom 11:16

Are a pin och kinikinin pilawa eman a eäni asor ngeni Kot, unusen ewe pilawa a pwal pin. Nge are eman a eäni asor waren efoch irä ngeni Kot, palan kana ra pwal pin.

Tuteronomi 14:22

“Iwe, oupwe aimwüela eu leengolun uän fotämi irä meinisin iteiten ier.

Tuteronomi 18:4

Oupwe ngeni ekewe souasor mwen uän fotämi wiich, mwen chönün uän fotämi irän wain me ämi apüra seni föün olif, oupwe pwal ngeni aeuin fichiemi ülöülen nöümi sip.

Tuteronomi 26:2

kopwe angei ekoch mwen ua ka kini seni uän ekewe irä meinisin mi mär lon pwül me won ewe fanü ewe Samol mi Lapalap epwe ngonuk, kopwe isenirelong lon eu chük o feila ngeni ewe leni ewe Samol mi Lapalap om we Kot epwe filätä pwe aramas repwe fel ngeni ie.