Nehemia 10:36 - Chuukese Bible

³⁶ Äm aipwe uwato nöüm kewe mwänichi ren ekewe souasor mi angang lon imwen äm we Kot pwe nöün. Aipwe pwal uwato mweinöün nöüm pwiin kow me sip me kuuch, usun a fen mak lon ewe allük.

Nehemia 10:36 Iomraidhean Croise

2. Kronika 31:5

Lon ewe otun ewe allük a chöfetal, ekewe aramasen Israel ra fangala fokun chomong mwen uän wiich, wain, apüra seni föün olif, chönün chunen me sokopaten uän irän lemäl meinisin. Ra pwal uwato eu leengolun mettochur meinisin.

Nehemia 12:44

Iwe, lon ena fansoun ra filätä mwän repwe tümwünü ekewe rumw ia ra iseis ie ekewe lifang, ekewe mwen ua me ekewe leengol. Ra wisen ionifengeni seni ekewe tanipi mi nom ünükün ekewe telinimw ewe kinikin a fen pwüngüla lon allük o isenalong lon ekewe rumwen iseis fän iten ekewe souasor me ekewe mwän seni ewe ainangen Lefi. Iwe, ekewe chon Juta ra pwapwa ren angangen ekewe souasor me ekewe mwän seni ewe ainangen Lefi,

Nehemia 13:5

Iwe, Eliasip a mwütätä ngeni Topia eu rumw watte ia ra iseis ie me mwan ewe asoren mongö, ewe apach mi pwokus, ekewe pisek fän iten imwenfel, ekewe asor fän iten ekewe souasor me ekewe leengolun wiich, wain me apüra fän iten ekewe mwän seni ewe ainangen Lefi, ekewe chon köl me ekewe chon mamasa asamalapen imwenfel.

Ekistos 13:2

“Oupwe apini fän itei ekewe mwänichi meinisin. Iwe, meinisin mine a akomwen uputiu lein aramas me man lon Israel nei.”

Ekistos 23:19

Oupwe uwato öchün mwen uän fanüemi lon imwei ngang ewe Samol mi Lapalap ämi we Kot. Ousap kuku eman apanen kuuch lon chönün oupwun ewe inelap.”

Ekistos 34:19

Iwe, ekewe mwänichi meinisin nei, pwal ekewe ätemwänin mweinöün man seni ekewe pwiin kow me sip nei.

Malakai 3:10

Oupwe uwato unusen ämi leengol lon ewe imwenfel, pwe epwe wor mongö lon imwei we. Ren ei oupwe sotuniei ika üsap suki ekewe asammwachon läng fän itemi o ninätiu womi chomong sokun feiöch mi somwola.

Numperis 3:13

pun ekewe mwänichi meinisin nei. Lon ewe rän, lupwen üa niela ekewe mwänichi meinisin lon ewe fanü Isip, üa apini fän itei ekewe mwänichi lon Israel meinisin, seni mwänichien aramas tori man. Iwe, ir repwe nei. Ngang ewe Samol mi Lapalap.”

Kalatia 6:6

Eman mi kaiö Kapasen Kot epwe aeafengen me nöün we sense ekewe mettoch meinisin mi mürina a eäni.

Tuteronomi 12:6

ikenan oupwe pwal uwala ämi asoren kek me ämi kewe sokopaten asor, ämi eu leengol me ämi kewe asor oua fang, ämi asoren pwon me asor seni püsin letipemi, pwal ekewe mweinöün nöümi pwiin kow me sip.