Nehemia 10:34 - Chuukese Bible

³⁴ Äm kewe souasor, ekewe mwän seni ewe ainangen Lefi me ekewe aramas, aia pwal üttüt won iö lein än semelapem kewe cho epwe uwato amwüch lon imwen äm we Kot iteiten ier lon ewe fansoun mi afat, fän iten ekewe asor repwe kek won än ewe Samol mi Lapalap äm we Kot we rongen asor, usun a fen mak lon ewe allük.

Nehemia 10:34 Iomraidhean Croise

1. Kronika 24:5

Pokiten mi wor meilapen ewe leni mi pin, pwal nöün Kot kewe chon angang mi lap lein ekewe mwirimwirin Eleasar, pwal lein ekewe mwirimwirin Itamar, iei mine ra awisa ngeni eu me eu mwich an angang fän üttüt.

1. Kronika 24:7

Iei pwüngülan ar we üttüt: Ewe aeuin Jehoiarip a ütti, ewe aruuan Jetaia,

2. Kronika 2:3

Iwe, Salomon a tinala pworaus ren Hairam ewe kingen Tirus o üra, “Kopwe tinato rei irä setar usun ka tinato ren Tafit semei we, pwe epwe aüetä püsin imwan ren.

Esra 3:5

Lükün ei asor ra pwal eäni ekewe asoren kek mi fifis iteiten rän, ekewe asor mi fis lepopun maram, pwal lon än ewe Samol mi Lapalap kewe chulap meinisin mi kefilitä, me ekewe asor eman me eman a eäni seni mochenin letipan ngeni ewe Samol mi Lapalap.

Nehemia 11:1

Iwe, ekewe souemwenin aramas ra nom lon Jerusalem. Nge ekewe lusun aramas ra üttüt won eu famili me lein engol famili pwe epwe feito o nonom lon Jerusalem ewe telinimw mi pin, nge ekewe tiu lusun repwe nonom lon en me an telinimw.

Nehemia 13:31

Iwe, üa pwal akota fansoun ineet ekewe aramas repwe uwato amwüchün ekewe asor me ekewe mwen ua. Ai Kot, kopwe chechemeni ei o afeiöchüei.

Än Salomon Fos 18:18

Pwüngün üttüt a aükätiu anini o awesi fitikoko lefilen ruoman mi pöchökül.

Aisea 40:16

Irän won Lepanon resap naf ngeni amwüchün asor, nge ekewe mönün won resap pwal naf ngeni asoren kek ngeni Kot.

Lifitikos 24:5

“Iwe, kopwe angei rüe me rüanü paun pilawa mi amas o mürina pwe kopwe umuni engol me ruoföü pilawa seni.

Lifitikos 24:6

Kopwe atetteliir lon ruu tettel won ewe chepel mi för seni kolt mi mürina a nom fän mesen ewe Samol mi Lapalap, akawonoföü repwe nom won eu tettel.

Numperis 28:2

“Kopwe allük ngeni ekewe aramasen Israel: Oupwe tümwünü pwe oupwe uwato rei ekewe asor fän itei lon ekewe fansoun mi kefilitä, ekewe asoren mongö üa efich pwoon.

Föför 1:26

Mürin ra föri ewe angangen üttüt won ekewe ruoman mwän. Iwe, ra ütti Matias. Ätei a pach ngeni ewe mwichen ekewe engol me ruoman soukünö.

Josua 9:27

Seni ewe fansoun Josua a nöüniir amanau pwe repwe chon uwos mwüch me chon üfüf koluk fän iten ekewe chon Israel, pwal fän iten än ewe Samol mi Lapalap we rongen asor. Iwe, ra föri ei angang tori ikenai lon ewe leni ewe Samol mi Lapalap a filätä.