Nehemia 10:33 - Chuukese Bible

³³ Fän iten ekewe pilawa mi pin, ewe asoren mongö me ewe asoren kek mi fifis iteiten rän, fän iten ekewe asor mi fis lon ränin sapat, lon ekewe ränin popun maram, lon ekewe chulap mi kefil, fän iten ekewe asor mi pin, ekewe asoren tipis fän iten amusamusen än ekewe aramasen Israel tipis, pwal fän iten angangen lon imwen äm we Kot meinisin.

Nehemia 10:33 Iomraidhean Croise

2. Kronika 2:4

Iei üpwe kärän popuetä le aüetä eu imw fän iten ewe Samol mi Lapalap ai we Kot. Epwe eu leni mi pin, ia äm me nei aramas aipwe fel ngeni Kot ie o keni apach mi pwokus seni nofitin mongö mi pwoarar iteiten rän, aipwe pwal uwato ren ekewe pilawa mi pin. Ikenan aipwe pwal eäni asoren kek iteiten lesosor me lekuniol, lon ekewe ränin sapat me popun maram, pwal lupwen fansoun ekewe chulap mi kefil fän iten ewe Samol mi Lapalap äm we Kot. Iei eu allük seni Kot fän iten chon Israel tori feilfeilachök.

Ekistos 30:16

Iwe, kopwe angei ei moni seni chon Israel fän iten angangen ewe imw mangaku ia aramas ra churiei ie. Nge ngang ewe Samol mi Lapalap üpwe chechemeni ekewe chon Israel pokiten ra mönätiu liwinin manauer.”

Kolose 2:16

Iei mine ousap mwüt ngeni än eman epwe föri allük usun met oupwe mongö ika ün, ika meni rän oupwe pinini, ika usun ekewe chulap mi fis lon fansoun lelingen maram me ekewe ränin sapat.

Ipru 10:11

Ekewe souasor meinisin ra föri ar angang iteiten rän o eäni asor ekewe chök sokun asor fän chomong. Nge ekei asor resap tongeni amorala än aramas tipis.