Nehemia 10:31 - Chuukese Bible

³¹ Nge are aramasen ekewe fanü repwe uwato pisek ika wiich pwe repwe amömö lon ewe ränin sapat, äm aisap kamö seniir lon ewe ränin sapat ika lon eu rän mi pin. Äm aisap fotuki och lon iteiten afisuen ier, aia pwal amusala än pwiim kewe liwinimang.

Nehemia 10:31 Iomraidhean Croise

2. Kronika 36:21

Ren ei a pwönüetä mine Jeremaia a apasa fän alon ewe Samol mi Lapalap, pwe ewe fanü epwe pwapwaäsini an kewe ierin sapat. Lon ükükün ekewe rän meinisin ewe fanü a tala, a fisitä ekewe ierin sapat, tori fik ier ra wesila.

Nehemia 13:23

Lon ekana fansoun üa pwal küna re Juta mi pwüpwülü ngeni fin Astot, Amon me Moap.

Nehemia 13:27

Ifa usun, äm aipwe apirükemi o föri ekei föför mi fokun ngau, pwe aipwe aleasolap ngeni äm we Kot ren äm pwülüeni ekewe fin ekis?”

Ekistos 12:16

Iwe, lon aeuin rän oupwe föri eu mwich mi pin, pwal lon ewe afisuen rän. Ousap angang lon ekana rän, mine chök oupwe eni oupwe amolätä.

Ekistos 20:10

Nge ewe afisuen rän ewe ränin sapat fän itei ngang ewe Samol mi Lapalap om Kot. Kosap föri och angang lon, sap en are noum mwän are noum fefin, sap noum chon angang mwän are chon angang fefin, sap pwal noum man are ewe chon ekis mi nom leäpärum.

Ekistos 34:16

Nge are oua apwüpwülüa nöümi mwän ngeni nöür föpwül mi fel ngeni ar kewe kot, ir repwe atupu nöümi mwän pwe repwe pwal föri iei usun.

Aisea 58:6

Nge iei ei sokun echikefel üa tipeni: Kopwe apichala ririn chokewe mi fötek fän pwüngingau. Kopwe angasa chon riaföü me ren aramas o kupi iteiten waas mi chou won afarer.

Lifitikos 16:29

Iwe, ei epwe eu allük ngenikemi oupwe apwönüetä fansoun meinisin. Lon aengolun ränin ewe afisuen maram oupwe echikefel, ousap pwal föri och angang, sap ämi are ekewe chon ekis mi nom remi.

Lifitikos 23:21

Iwe, lon ewe chök ränin oupwe asilefeili pwe epwe fis eu mwich mi pin. Ousap föri och angang lon. Iei eu allük mwirimwirimi kana repwe apwönüetä seni eu täppin aramas tori eu täppin lon leniemi meinisin.

Lifitikos 23:3

Lon ükükün wonu rän oupwe angang, nge ewe afisuen rän eu ränin sapat ränin asösö mi pin, eu fansoun mwich mi pin. Ousap föri och angang lon, pun eu ränin sapat fän iten ewe Samol mi Lapalap lon leniemi meinisin.

Mateus 6:12

Kopwe amusala äm tipis, usun pwal äm aia amusala chokana mi tipis ngenikem.

Kolose 2:16

Iei mine ousap mwüt ngeni än eman epwe föri allük usun met oupwe mongö ika ün, ika meni rän oupwe pinini, ika usun ekewe chulap mi fis lon fansoun lelingen maram me ekewe ränin sapat.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.