Nehemia 1:6 - Chuukese Bible

⁶ Kose mochen kopwe nenengeniei o aüselinga ai iotek ngang noum ei chon angang üa eäni ngonuk lerän me lepwin fän iten ekewe aramasen Israel noum kewe chon angang. Üa pwärätä pwe äm aramasen Israel aia tipis ngonuk. Pwal ngang me chon leimwen semei, äm aia tipis.

Nehemia 1:6 Iomraidhean Croise

1. King 8:30

Kopwe aüselinga ai kewe tüngor me än noum aramasen Israel kewe tüngor, lupwen aia iotek ngonuk le sape ngeni ei leni. Ewer, kopwe aüseling me läng ewe ia ka nom ie, nge lupwen ka rongorong, kopwe amusala äm tipis.

1. King 8:47

nge are ra memef lon leluker o ekieksefäl me lon ewe fanü ia ra oola ie, are ra tüngor ngonuk me lon fanüen chon liapeniir o apasa, ‘Äm aia tipis o föri föför esepwüng me ngau,’

2. Kronika 28:10

Nge iei oua ekiekin nemenemengau ngeni ekewe mwän me fefin seni Juta me Jerusalem o nöüniir amanau. Ifa usun, ousap silei pwe pwal ämi oua tipis ngeni ewe Samol mi Lapalap ämi we Kot?

2. Kronika 29:6

Pun ach kewe lewo ra tipis o föri mine a ngau me fän mesen ewe Samol mi Lapalap ach we Kot. Ra likitala Kot o akulu sökürür ngeni imwen ewe Samol mi Lapalap.

2. Kronika 6:40

Ai Kot, kose mochen kopwe netiu wom iei o aü selingom ngeni ei iotek üa eäni me lon ei leni.

Esra 10:1

Iwe, lupwen Esra a iotek o pwärätä ekewe tipis, lupwen a kechü o chapala won pwül me mwen ewe imwen Kot, eu mwichemongun mwän, fefin me semirit seni Israel ra mwicheto ren. Ir meinisin ra seningüngü le kechü.

Esra 10:11

Iei oupwe pwärätä ämi tipis ngeni ewe Samol mi Lapalap än ämi kewe lewo we Kot o föri letipan. Oupwe imwü seni ekewe aramas lon ei fanü, pwal seni pwülüemi kewe ekewe fin ekis.”

Nehemia 1:11

Ai Samol, kopwe aüselinga ai iotek, pwal än noum kewe chon angang iotek, ir mi pwapwa le meninituk. Kose mochen kopwe atufichiei ngang noum chon angang ikenai o mwüt ngeniei pwe üpwe küna ümöümöch me ren ei king.” Lon ei fansoun ngang eman chon amolätä ünümen ewe king.

Kölfel 102:17

Epwe aüselinga än ekewe chon riaföü iotek, nge esap turunufasei ar tüngor.

Kölfel 106:6

Äm aia tipis usun chök äm kewe lewo. Äm aia föri föför mi ngau o apwönüetä föför esepwüng.

Kölfel 130:2

Ai Samol, kopwe rongorong mweliei. Kopwe aü selingom ngeni ai kewe tüngor pwe kopwe ümöümöch ngeniei.

Kölfel 32:5

Mürin üa pwärätä ai tipis ngonuk, nge üsap aopala ai pwüngingau. Üa apasa, “Üpwe pwärätä ngeni ewe Samol mi Lapalap ai pupungau.” Iwe, ka amusala ai tipis meinisin.

Kölfel 34:15

Ewe Samol mi Lapalap a mamasa ekewe chon pwüng, selingan a rongorong ngeni ar siö.

Kölfel 55:17

Lekuniol me lesosor pwal leoloas üa apasätä ai kewe weires o ngüngü. Iwe, Kot epwe rongorong mweliei.

Kölfel 88:1

Ai Samol mi Lapalap, ai Kot mi amanauaei lerän me lepwin, üa siö ngonuk pwe kopwe alisiei.

Aisea 6:5

Iwe, üa apasa, “Feiengauei, üpwe mäla, pun ngang eman mwän mi tipis ren ekewe kapas üa apasa ren tinawei, üa pwal imweimw lein aramas mi tipis ren ar kewe kapas ra apasa ren tinawer. Nge mesei a küna ewe King, ewe Samol mi Unusen Manaman.”

Kölün kechü 5:7

Äm kewe lewo ra tipis, nge iei resap chüen manau. Nge äm aia mwärelong fän liwinin ar kewe föföringau.

Taniel 9:15

Äm Samol me äm Kot, ka emwenawu noum aramas seni lon ewe fanü Isip ren om manaman, ka pwal iteföüla ren tori ikenai. Iei äm aia pwärätä pwe aia tipis ngonuk o föri mine a ngau.

Taniel 9:20

Iwe, üa chök sopwela le iotek o pwärätä ai tipis me tipisin aramasei chon Israel, üa pwal tüngormau ngeni ai Kot ewe Samol mi Lapalap fän iten imwan mi pin epwe kaüsefäl.

Taniel 9:4

Mürin üa iotekin amusamus ngeni ewe Samol mi Lapalap ai we Kot, “Ai Samol me ai Kot, en eman Kot mi tekia me eniuokus, ka tümwünüöchü om pwon, ka pwal tongei chokewe mi echenuk o föri pwüngün om kewe allük.

Taniel 9:5

Äm aia tipis, äm aia föri mine a mwäl o ngau fän mesom, äm aia pwal ü ngonuk o lükümmach ngeni om kewe allük.

Taniel 9:8

Ewer, äm Samol, äm me äm kewe king, äm samol me äm kewe lewo äm aia föri föförün äsäw o tipis ngonuk.

Lukas 18:7

Ifa usun, Kot esap fokun pwärala än nöün kewe mi fil pwüng, ir chokewe mi kökköri le rän me le pwin? Ifa usun, epwe mang le alisiir?

Lukas 2:37

Iwe, lupwen pwülüan a mäla, a lipichsefäl tori iei a ierini walik me rüanü. Neminei esap feila seni ewe imwenfel, pwe a chök fel ngeni Kot lerän me lepwin fän echikefel me ikiotek.

Efisos 2:3

Enletin, oukich meinisin sia usun chök ir me lom, sia manau lon mochenian fitukach, sia chök apwönüetä mochenin inisich me ekiekin letipach. Pokiten sia usun chök aramas meinisin, sia nom fän riaföün än Kot song.

1. Timoty 5:5

Eman fefin mi mä pwülüan o akaleman, esap wor eman a tümwünü, a anomu an apilükülük won Kot, a sopwela le iotek lerän me lepwin o tüngor ngeni Kot pwe epwe alisi.

2. Timoty 1:3

Üa kilisou ngeni Kot, ewe üa angang ngeni ren mwelien letipei mi limöch usun ai kewe lewo ra föri. Üa kilisou ngeni Kot lupwen üa chechemenuk fansoun meinisin lon ai iotek lerän me lepwin.

1. Johannes 1:9

Nge are sia pwärätä ach tipis ngeni Kot, i epwe apwönüetä an pwon o föri mine a pwüng: Epwe amusala ach tipis o limetikich seni ach pwüngingau meinisin.

1. Samuel 15:11

“Üa lamalamala ren ai seikätä Saul pwe epwe king, pun a kul seniei o aleasolap ngeni ai kewe allük.” Iwe, Samuel a riaföü o siö ngeni ewe Samol mi Lapalap lon unusen ewe pwin.