Nehemia 1:5 - Chuukese Bible

⁵ Üa apasa, “Ai Samol mi Lapalap Koten läng, en ewe Kot mi tekia, äm aia niuokusituk. Ka apwönüetä om pwon me tong ellet ngeni chokewe mi echenuk o aleasochisi om kewe allük.

Nehemia 1:5 Iomraidhean Croise

1. King 8:23

o iotek, “Ai Samol mi Lapalap, Koten Israel, esap wor eman kot a wewe ngonuk lon läng ika won fanüfan. Ka apwönüetä om pwon o pwäri om tong ellet ngeni noum kewe chon angang mi föri letipom ren unusen leluker.

1. Kronika 17:21

Ifa usun, mi wor aramasen eu mwü won fanüfan ra wewe ngeni noum aramasen Israel? Ka amanaueer pwe repwe noum aramas. Itom a iteüöch ren om föri föför mi lapalap o eniweniw, pun ka asüela chon ekewe mwü me mwen noum aramas, chokewe ka amanaueer seni Isip.

Esra 1:2

“Iei aloi ngang Sirus ewe kingen Persia: Ewe Samol mi Lapalap, ewe Koten läng, a ngeniei ekewe mwün fanüfan meinisin. Iwe, a filiei pwe üpwe aüetä eu imwenfel fän itan me lon Jerusalem lon ewe fanü Juta.

Nehemia 2:4

Iwe, ewe king a aisiniei, “Met ka mochen tüngor seniei?” Mürin üa iotek ngeni ewe Koten läng.

Nehemia 4:14

Iwe, lupwen üa küna pwe ekewe aramas ra niuokus, üa üreni ekewe aramas tekia, ekewe nöüwis pwal ekewe lusun aramas, “Ousap niuokusiti ekewe chon oputach. Oupwe chechemeni ewe Samol mi tekia, aramas ra niuokusiti. Oupwe maun fän iten pwimi kewe chon Juta fän iten nöümi ät me nengin, pwal fän iten pwülüemi me leniemi.”

Nehemia 4:8

Iwe, ra chufengen le föri ar rawangau usun ar repwe feito o maun ngeni Jerusalem, pwe repwe afisätä fitikoko lon.

Nehemia 9:32

Äm Kot, en eman Kot mi tekia o manaman, aramas ra niuokusituk, ka apwönüetä om pwon me tong ellet ngenikem. Iei mine kopwe ekieki usun ekewe riaföü meinisin ra torikem, ra tori äm kewe king me samol, nöüm kewe souasor me soufos, äm kewe lewo me nöüm kewe aramas meinisin seni fansoun mwün ekewe kingen Asiria tori ikenai.

Kölfel 47:2

Sipwe niuokusiti ewe Samol mi Lapalap, Ewe mi Unusen Tekia, i eman king mi lap a nemeni unusen fanüfan.

Kölfel 76:8

Ka eäni kapwüng seni won läng. Iwe, fanüfan a niuokus o fanafanala,

Kölfel 89:2

Üpwe pwärätä pwe om tong ellet a nomopos tori feilfeilachök, pwe om allükülük a nüküchar usun ekewe läng.

Kölfel 89:3

En ka apasa, “Üa eäni eu pwon ngeni ätewe üa filätä, üa pwon fän akapel ngeni Tafit nei we chon angang:

Kölfel 89:8

Ai Samol mi Lapalap, en ewe Kot mi Unusen Manaman, iö a manaman usun en? Ai Samol mi Lapalap, ka allükülük lon mettoch meinisin.

Ekistos 20:6

Nge üa kirikiröch ngeni ngeröün mwirimwirin chokana mi echeniei o aleasochisi ai allük kana.

Tuteronomi 7:12

“Iwe, are oupwe aüselinga ekei allük, are oupwe tümwünüöchü le apwönüretä, mürin ewe Samol mi Lapalap ämi we Kot epwe pwal apwönüetä an we pwon o pwäri an tong ngenikemi, usun a fen pwon fän akapel ngeni ämi kewe lewo.

Tuteronomi 7:21

Ousap fokun niuokusitiir, pun ewe Samol mi Lapalap ämi we Kot a nom remi, i eman Kot mi lapalap o eniwokus.

Tuteronomi 7:9

Iei mine oupwe silei pwe ewe Samol mi Lapalap ämi we Kot a wesewesen Kot, eman Kot mi allükülük, a tümwünü an pwon o pwärätä an tong ngeni ngeröün täppin aramas mi echeni o aleasochisi an allük kana.