Nehemia 1:4 - Chuukese Bible

⁴ Iwe, lupwen üa rongorong ei pworaus, üa mottiu o kechü, üa ngüngüres ekoch rän o echikefel me iotek fän mesen ewe Koten läng.

Nehemia 1:4 Iomraidhean Croise

2. Samuel 12:16

Iwe, Tafit a tütüngor ngeni Kot fän iten ewe mönükol pwe epwe chikarsefäl. A öchüna anan, a tolong lon rumwan o kon lepwül iteiten pwin.

2. King 22:19

ka pwal apwetetei lelukom o atekisonok me fän mesei, lupwen ka rongorong mine üa apasa usun feiengauen ei leni, pwal usun feiengauen aramasan, pwe repwe wiliti och minen eniwokus me anümamau. Iwe, ka kamwei üfom o kechü fän mesei, iei popun ngang üa pwal aüselinga om iotek.

2. Kronika 6:13

Iwe, Salomon a fen föri eu lenien ütä seni piras o anomu lukalapen ewe leni lükün imwenfel, langataman me chölapan ükükün walu fiit, nge tekian ükükün limu fiit. Iwe, a ütä won, mürin a fotopwäsuketiu fän mesen unusen ewe mwichen Israel, a aitietä pöün läng

Esra 1:2

“Iei aloi ngang Sirus ewe kingen Persia: Ewe Samol mi Lapalap, ewe Koten läng, a ngeniei ekewe mwün fanüfan meinisin. Iwe, a filiei pwe üpwe aüetä eu imwenfel fän itan me lon Jerusalem lon ewe fanü Juta.

Esra 10:1

Iwe, lupwen Esra a iotek o pwärätä ekewe tipis, lupwen a kechü o chapala won pwül me mwen ewe imwen Kot, eu mwichemongun mwän, fefin me semirit seni Israel ra mwicheto ren. Ir meinisin ra seningüngü le kechü.

Esra 9:3

Iwe, lupwen üa rongorong ei pworaus, üa kamwei üfei, üa pwal ütti meten mökürei me alüsei o mot fän ai letipeta.

Esra 9:5

Nge lupwen a tori fansoun asor lekuniol, üa ütä seni ewe ia üa letipeta ie, üa fotopwäsuk fän üfei mi kam o aitietä pei lon ai iotek ngeni ewe Samol mi Lapalap ai we Kot.

Nehemia 2:20

Mürin üa üreniir, “Ewe Koten läng epwe atufichikem lon ei angang. Äm nöün chon angang, aipwe popuetä le senisefälietä ewe tit. Nge ämi, esap wor wisemi, esap wor ämi pwüng ika ämi uruwo lon Jerusalem.”

Nehemia 2:4

Iwe, ewe king a aisiniei, “Met ka mochen tüngor seniei?” Mürin üa iotek ngeni ewe Koten läng.

Kölfel 102:15

Chon ekewe mwü repwe meniniti ewe Samol mi Lapalap, nge ekewe kingen fanüfan meinisin repwe niuokusiti an ling.

Kölfel 136:26

Oupwe kilisou ngeni ewe Koten läng, an tong ellet a nonom tori feilfeilachök.

Kölfel 137:1

Iwe, ünükün ekewe chanpupun Papilon aia mottiu o kechü, lupwen aia chechemeni Sion.

Taniel 10:2

Lon ewe fansoun, ngang Taniel üa letipeta lon ükükün ülüngat wik.

Taniel 2:18

A pwal pese ngeniir pwe repwe tüngor ngeni ewe Koten läng an ümöümöch, pwe epwe pwäri ngeniir ewe monomon o amanaueer, pwe resap ninnila fiti ekewe soutipachemen Papilon.

Taniel 9:3

Iwe, üa sachetä ngeni Kot ewe Samol lon ai iotek o tüngormau fän ai echikefel, üa pwal üföüf üf seni tuk o mot lon falangen ekkei.

Sona 1:9

Sona a pälüeniir, “Ngang eman re Ipru. Üa fel ngeni ewe Samol mi Lapalap, ewe Koten läng mi föri matau me fanü.”

Sefanaia 3:18

usun aramas ra pwapwa lon ar ränin chulap.” Iei alon ewe Samol mi Lapalap, “Üa aükätiu ewe niuokusun feiengau o angei senuk om itengau.

Nöün Paulus Toropwe ngeni ekewe Souläng lon Rom 12:15

Oupwe eti chokewe mi pwapwa le pwapwa, nge oupwe eti chokewe mi kechü le kechü.