Nehemia 1:3 - Chuukese Bible

³ Mürin ra üreniei, “Ekewe mi chüen manau seni ar oola o liwiniti ewe fanü ra nom lon weires watte me itengau. Tittin ewe telinimw Jerusalem a chüen tatiu, nge asamalapan kewe mi karala resamwo försefäl.”

Nehemia 1:3 Iomraidhean Croise

1. King 9:7

mürin üpwe ärawu chon Israel seni lon ewe fanü üa ngeniir. Iwe, ei imwenfel üa apini fän itei üpwe aturawu me fän mesei, nge aramas repwe leaweni chon Israel ren kapsen ämängau me kapasen turunufas me lein chon ekewe mwü meinisin.

2. King 25:10

Nge nöün kewe sounfiu ra pwal ataela ewe tit mi pwelifeili Jerusalem.

2. Kronika 36:19

Iwe, ra kenala ewe imwenfel o ataetiu tittin Jerusalem, ra pwal kenala ekewe imw watte o ataela ekewe pisek aüchea meinisin.

Esra 2:1

Iwe, chomong seni ekewe aramas mi oola lon Papilon ra liwinsefäliti Jerusalem me Juta lon en me poputän telinimwan. Ir chokewe ewe king Nepukatnesar a uweerela Papilon me lom.

Esra 5:8

Äm aia mochen asile ngonuk, en äm king, pwe aia feila lon ewe fanü Juta ren imwenfelin ewe Kot mi tekia. Ra aüetä ewe imw ren fau mi fokun watte o iseis irä lon ekewe etiip, nge ar angang a fokun fisiöch o fefeitä.

Nehemia 11:3

Nge lon ekewe lusun telinimwen Juta ekewe chon Israel, ekewe souasor, ekewe mwän seni ewe ainangen Lefi, ekewe chon angang ngeni ewe imwenfel me ekewe mwirimwirin nöün Salomon kewe chon angang ra nonom lon en me lenian lon ar kewe telinimw. Ikkei iten ekewe samolun ewe fanü Juta mi nom lon Jerusalem:

Nehemia 2:13

Iwe, üa towu seni ewe telinimw ren ewe Asamalapen Lemol lepwin o feila ren ewe Chönüttu Foks, pwal ren ewe Asamalapen Ioien Pipi. Üa ouwasacha tittin ewe telinimw Jerusalem mi tatiu me asamalapan kewe mi karala ren ekkei.

Nehemia 2:17

Mürin üa üreniir, “Oua küna ewe weires sa nonom lon, pun Jerusalem a tala, nge asamalapan kewe ra karala. Ou etto, ousipwe senisefälietä tittin ei telinimw Jerusalem, pwe sisap chüen itengau.”

Nehemia 2:3

o üreni ewe king, “Amwo ewe king epwe manau tori feilfeilachök. Pwota üsap wololilen are ewe telinimw lenien peiasen ai kewe lewo a tatakis, nge asamalapan kewe ra karala ren ekkei?”

Nehemia 7:6

Ikkeiir ekewe aramas mi oola lon Papilon ra liwinsefäliti Jerusalem me Juta lon en me poputän telinimwan. Ir chokewe ewe king Nepukatnesar a uweerela Papilon me lom.

Ester 1:1

Ei pworaus a fis lon ränin manauen Asuworos, i ewe Asuworos mi nemeni ipükü rüe me fisu sop seni Intia tori Itiopia.

Kölfel 79:4

Äm aia uren takir me ren chon ekewe mwü mi nom ünüküm, ra turunufasekem o esitakem.

Än Salomon Fos 25:28

Eman aramas esap tongeni püsin nemeni letipan a usun chök eu telinimw mi tala esap wor tittin.

Aisea 43:28

Iei mine üpwe föri met ekewe meilapen ämi imwenfel repwe küna turunufas ren, üpwe pwal föri met Israel epwe fokun tala ren o atolonga nei aramas lon itengau.”

Aisea 5:5

Iwe, iei üpwe asile ngenikemi mine üpwe föri ngeni ai tanipi. Üpwe ütti ekewe irä mi tii ünükün ewe tanipi o ataela ewe tit pwe ekewe manmwacho repwe tolong. Repwe eni ekewe irän wain o puriretiu.

Jeremaia 24:9

Üpwe föri pwe repwe och minen eniweniw ngeni chon ekewe mwü won unusen fanüfan, repwe itengau, aramas repwe leaweniir lon ar kapasen turunufas me ämängau, pwal lon ar ottek me lon ekewe leni meinisin ia üpwe asürela ie.

Jeremaia 29:18

Üpwe tapweriir fän maun, fän lengita me mätter. Üpwe föri pwe repwe och minen eniweniw ngeni chon ekewe mwü meinisin won fanüfan. Aramas repwe leaweniir lon ar ottek, repwe enniw o küna turunufas me itengau me lein chon ekewe mwü meinisin ia üa asürela ie.

Jeremaia 39:8

Iwe, ekewe chon Papilon ra kenala ewe imwen king me imwen ekewe aramas, ra pwal ataetiu tittin Jerusalem.

Jeremaia 42:18

Pun iei alon ewe Samol mi Unusen Manaman, ewe Koten Israel, ‘Usun üa song me lingeringer ngeni ekewe chon Jerusalem, iei usun üpwe song me lingeringer ngenikemi, lupwen oupwe feila Isip. Aramas repwe leawenikemi lon ar ottek, oupwe wiliti och minen eniweniw o küna turunufas me itengau, nge ousap chüen künasefäli ei leni.’

Jeremaia 5:10

Üpwe tinala chon oputeer ren ar kewe tanipin wain pwe repwe ataela ar kewe irän wain, nge resap unusen atarela. Repwe pöküetiu palan kewe, pun resap ai.

Jeremaia 52:14

Nge an mwichen sounfiu meinisin seni Papilon ra ataela ewe tit mi pwelifeili Jerusalem.

Kölün kechü 1:7

Lupwen Jerusalem a riaföü, a chechemeni an kewe pisek mi aüchea a eäni me lomlom. Lupwen nöün kewe aramas ra sechilong lepöün chon oputan, esap wor eman mi alisi. Ekewe chon oputan ra esita o takirin ämängaua pokiten an turula.

Kölün kechü 2:9

Ekewe asamalapen Sion ra irela fän ekewe ioien mettoch mi ta. Kot a kupi o atatakisi amwöchür kewe. Än Sion kewe king me ekewe samol ra oola lein chon ekewe mwü. Esap chüen wor eman a aiöü ngeni aramas ewe allük, esap chüen wor künan ekewe soufos me ren ewe Samol mi Lapalap.

Kölün kechü 3:61

Ai Samol mi Lapalap, ka rongorong ar kewe tunoämängau, ka pwal silei usun ar rawangauaei.

Kölün kechü 5:1

Äm Samol mi Lapalap, kopwe chechemeni mine a fis ngenikem. Kopwe nenengeni o küna äm itengau.

Lifitikos 26:31

Üpwe atai ämi kewe telinimw o apönü ämi kewe leni mi pin. Üsap fokun etiwa ämi kewe asor oua keni.

Lifitikos 26:33

Iwe, üpwe awarato maun womi o atoropasafeilikemi lein ekewe mwü. Fanüemi epwe tala, nge ämi kewe telinimw repwe tatakis.