Nehemia 1:10 - Chuukese Bible

¹⁰ Ir noum chon angang me noum aramas, chokewe ka angaserela ren om manaman mi lapalap, pwal ren om pöchökül.

Nehemia 1:10 Iomraidhean Croise

Kölfel 136:12

ren pöün mi manaman o aköüpöü, an tong ellet a nonom tori feilfeilachök.

Kölfel 74:2

Kopwe chechemeni noum we mwichen aramas, ka filiir me lomlom, chokewe ka angaseer pwe repwe chon om ainang. Kopwe pwal chechemeni ewe chuk Sion, ia ka nonom ie me lom.

Kölfel 89:14

Pwüng me apwüng longolongun mumw, tong ellet me allükülük a pwä lon meinisin mine ka föri.

Ekistos 13:14

Nge ika nöümi mwän repwe aisinikemi lon kan rän mwach, ‘Met wewen ei föför?’, oupwe üreniir, ‘Ewe Samol mi Lapalap a emwenikeemiwu seni Isip ren pöün mi manaman, ewe leni ia ra nöünikem amanau ie.

Ekistos 13:16

Ei epwe usun chök eu asisil won pöümi pwal eu pisekin achem won chamwemi. Pun ewe Samol mi Lapalap a emwenikichewu seni Isip ren pöün mi pöchökül.”

Ekistos 13:3

Iwe, Moses a üreni ekewe aramas, “Oupwe chechemeni ei rän, ewe rän oua towu seni Isip, ewe leni ia ra nöünikemi amanau ie. Pun lon ei rän ewe Samol mi Lapalap a emwenikemiiwu ren pöün mi manaman. Ousap mongö pilawa mi wor iis lon.

Ekistos 13:9

Ei epwe usun chök eu asisil won pöümi pwal eu pisekin achem won chamwemi, pwe oupwe chök leaweni än ewe Samol mi Lapalap kewe allük. Pun ewe Samol mi Lapalap a emwenikemiiwu seni Isip ren pöün mi manaman.

Ekistos 15:13

Lon om tong ellet ka emweni ekewe aramas ka amanaueer, ka emwenirela ren om pöchökül ngeni leniom mi pin.

Ekistos 32:11

Nge Moses a tütüngor ngeni an we Kot ewe Samol mi Lapalap fän iten ekewe chon Israel o apasa, “Ai Samol mi Lapalap, pwota ka fokun song ngeni noum kei aramas ka emwenirewu seni lon ewe fanü Isip ren om manaman, pwal ren poum mi fokun manaman?

Ekistos 6:1

Mürin, ewe Samol mi Lapalap a üreni Moses, “Iei kopwe le küna mine üpwe föri ngeni Farao. Pun ren pei mi manaman üpwe pöchökül ngeni Farao pwe epwe tinirewu, ewer, epwe asürela seni fanüan.”

Ekistos 6:6

Iei mine kopwe üreni ekewe aramasen Israel, ‘Ngang ewe Samol mi Lapalap. Üpwe emwenikemiiwu seni fän ämi angangochou ngeni chon Isip, üpwe pwal angasakemi seni ar nöünikemi amanau o amanauakemi fän pei mi manaman pwal ren apwüng mi lapalap.

Ekistos 6:7

Iwe, üpwe nöünikemi pwe oupwe aramasei, nge ngang üpwe ämi Kot. Oupwe silei pwe ngang ewe Samol mi Lapalap ämi we Kot mi emwenikemiiwu seni fän ämi angangochou lon Isip.

Aisea 64:9

Kosap fokun songomong ngenikem. Äm Samol mi Lapalap, kosap pwal chechemeni äm tipis tori feilfeilachök. Kose mochen kopwe nenengenikem, pun äm meinisin noum aramas.

Tuteronomi 15:15

Oupwe chechemeni pwe ra piin nöünikemi amanau me lon ewe fanü Isip, nge ewe Samol mi Lapalap ämi we Kot a angasakemi. Iei mine üa ngenikemi ei allük ikenai.

Tuteronomi 9:29

Nge ir noum aramas ka nöüniir, ka emwenirewu seni Isip ren om manaman mi lapalap, pwal ren poum mi aköüpöü.’”