Nehemia 1:1 - Chuukese Bible

¹ Iei än Nehemia nöün Hakalia we mwän pworaus. Iwe, lon ewe maram Kislef, lon rüen ierin mwün Artaksasta, ngang Nehemia üa nom lon Susa samolun telinimwen ewe fanü.

Nehemia 1:1 Iomraidhean Croise

Esra 10:9

Iwe, mürin ülüngat rän ekewe re Juta me Peniamin meinisin ra mwichefengen me lon Jerusalem. Ei mwich a fis lon rüen ränin ewe atiuen maram. Iwe, ekewe aramas meinisin ra mot lon ewe leni mi amassawa me mwen ewe imwen Kot, ra chechech pokiten ei pworaus pwal pokiten püngümongun üt.

Esra 7:7

Iwe, lon ewe afisuen ierin mwün ewe king Artaksasta, Esra me ekoch aramasen Israel ra sai seni Papilon o feila Jerusalem fiti ekoch souasor me chon ewe ainangen Lefi, chon köl, chon mamasa asamalapen imwenfel me chon angang ngeni ewe imwenfel.

Nehemia 10:1

Iwe, ikkei iten chokewe mi saini iter: Ewe kepina Nehemia nöün Hakalia we mwän me Setekia.

Nehemia 2:1

Iwe, lon ewe maram Nisan, lon rüen ierin mwün ewe king Artaksasta, lupwen ünüman wain a molotä, üa angei ewe wain o ngeni ewe king fän ai wololilen. Nge me lom üsap mwo wololilen me fän mesan.

Nehemia 5:14

Iwe, lon ewe fansoun üa fil pwe üpwe kepinan ewe fanü Juta, seni ewe arüeen ierin mwün ewe king Artaksasta tori ilik me ruuen ierin, lon ei ükükün engol me ruu ier äm me aramasei kewe aisap mongö ewe mongö wisen kepina.

Ester 1:2

Lon ena fansoun ewe king Asuworos a mot won an lenien motun king lon Susa, samolun telinimwen ewe fanü.

Ester 3:15

Fän än ewe king allük ekewe chon künö ra müttir uwala ewe allük ngeni ekewe sop, ra pwal arongafeili ewe allük lon Susa samolun telinimwen ewe fanü. Iwe, ewe king me Haman ra mottiu pwe repwe ün, nge chon ewe telinimw Susa ra fokun rükö.

Taniel 8:2

Iwe, lon künaei we a fis pwe itä üa nom lon Susa samolun ewe telinimwen ewe sop Elam ünükün ewe chanpupu Ulai.

Sekaraia 7:1

Lon aruanün ierin mwün ewe king Tarius, lon arüanün ränin ewe atiuen maram, iei ewe maram Kislef, ewe Samol mi Lapalap a kapas ngeni Sekaraia.