Nahum 2:3 - Chuukese Bible

³ Ekewe chon pwora mi maun ngonuk ra uwei tittin maun mi parapar, ekewe sounfiu ra üföüf üf mi parachol. Ekewe wokenin maun ra molupolup usun ekkei, lupwen ra molotä ngeni maun,

Nahum 2:3 Iomraidhean Croise

Pwärätä 12:3

Pwal eu asisil a pwä me lon läng. A wor eman trakon mi watte o parapar, a wor fisu möküran me engol mächän, nge a wor epa mwärämwär won eu me eu möküran kewe.

Pwärätä 6:4

Iwe, pwal eman oris mi parapar a towu, nge ewe mi mot won a mwümwü ngeni an epwe aworato maun won fanüfan, pwe aramas repwe nifengeniir. A angei efoch ketilas mi langatam.

Sekaraia 11:2

Oupwe ngüngüres, ämi kewe irä saipires, pun ekewe setar ra turula, nge ekewe irä mi pöchökül ra tala. Oupwe ngüngüres, ämi kewe irä ook lon Pasan, pun ewe wöllap a pöküpöküla.

Sekaraia 6:2

Iwe, orisin ewe aefochun woken ra parapar, orisin ewe aruofochun woken ra chol,

Sekaraia 1:8

“Lepwin ewe a wor künaei. Üa küna eman mwän mi wawa eman oris mi par. A nom lein ekewe mwoosor lon ewe lemol mi chökis. Nge lükisökürün a wor pwal ekoch oris mi par, tiketikepar me pwech.

Aisea 14:8

Ekewe irä saipires me setar won Lepanon ra pwapwa reöm, en kingen Papilon. Ra apasa, ‘Seni ewe fansoun, lupwen ka küna tekison, esap wor eman a feito o pökükich.’

Hiop 39:23

Ewe lenien föün esefich a akürang me lepekin, nge ekewe siles me ekewe lifötüföt ra molupolup.

Isikiel 23:24

Ir meinisin repwe feito seni efeng fän oris me woken, pwal fän eu mwichemongun aramas. Repwe pwelifeiliik fän ar tittin maun mi watte me kükün, pwal fän imwer akkaw. Iwe, üpwe asechukolong lepöür pwe repwe apwünguk. Repwe eäni kapwüng womw won ükükün mine ra mochen apwünguk ren.

Isikiel 26:7

Pun iei usun Kot ewe Samol mi Lapalap a apasa, “Üpwe emwenato Nepukatnesar ewe kingen Papilon, ewe king mi lap seni king meinisin. Epwe feito seni efeng o maun ngeni Tirus fän oris me woken, fän sounfiu mi wawa oris, pwal fän eu mwichemongun sounfiu.

Nahum 3:2

Oupwe rongorong chöröüngüün ewe selin wichiwich, ngüngün willen ekewe woken, chopuchopun pechen ekewe oris me akürangen ekewe wokenin maun.

Kölfel 80:13

Pik mi mwacho seni ewe wöllap ra tipwei ewe irä, nge ekewe manmwacho ra mongö seni.