Nahum 1:3 - Chuukese Bible

³ Ewe Samol mi Lapalap a mang le song, nge a fokun manaman, esap likitala an epwe apwüngü ewe chon tipis. Ia ewe Samol mi Lapalap a fetal ie, a fis mölümöl, nge ekewe kuchu pipisüsün fän pechen.

Nahum 1:3 Iomraidhean Croise

2. Samuel 22:10

A tinenifeseni läng o feitiu. Kuchuchol ra nom fän pechen.

Nehemia 9:17

Resap fokun mochen aleasochis ngonuk, resap pwal ekieki ekewe manaman ka föri lefiler. Nge ra chök tipepöchökül o filätä eman souemwen, epwe aliwinirela Isip pwe aramas repwe nöüniir amanau. Nge en eman Kot mi amusala tipis, ka kirikiröch o ümöümöch, ka pwal songomang o wöün tong ellet. Iei mine kosap likitirela,

Hiop 10:14

Are üa tipis, en ka nenengeniei, nge kosap amusala ai föför mi ngau.

Hiop 38:1

Mürin, ewe Samol mi Lapalap a pälüeni Hiop seni lon ewe mölümöl o apasa,

Hiop 9:4

Kot a tipachem o fokun pöchökül. Iö a pwäk ngeni an epwe ü ngeni?

Kölfel 103:8

Ewe Samol mi Lapalap a lukpwetete o kirikiröch, a songomang o wöün tong ellet.

Kölfel 104:3

o aüetä imwom won ekewe koluk. Ka föri ekewe kuchu pwe woom woken, o sai won pöükässin asepwäl.

Kölfel 145:8

Ewe Samol mi Lapalap a kirikiröch o lukpwetete, a songomang o wöün tong ellet.

Kölfel 147:5

Ach Samol a tekia o fokun manaman, an mirit esap wor aükükün.

Kölfel 50:3

Ach Kot a feito, nge esap fanafanala. Ekkei mi kümau a nom mwan, nge eu mölümöl mi watte a pwelifeili ünükün.

Kölfel 62:11

Eu mettoch Kot a kapas usun. Ruu mettoch üa rongorong usun, pwe en Kot echök ka manaman.

Kölfel 66:3

Oupwe apasa ngeni Kot, “Om kewe föför ra fokun amwarar. Om kewe manaman ra kon lapalap, pwe chon oputok ra chapetiu me mwom fän niuokus.

Aisea 19:1

Iei än Kot kapas usun Isip: Ewe Samol mi Lapalap a wawa eu kuchu mi müttir le äs, pwe epwe tori Isip. Iwe, ekewe anümwälin Isip repwe chechech me mwan, nge letipen chon Isip epwe kisikisila.

Aisea 29:6

pwe ewe Samol mi Unusen Manaman epwe feito o afeiengaueer ren chopulap me chechechin fanü me akürang watte, ren ewiniär me mölümöl, pwal ren ekkei mi ngetenget.

Aisea 66:15

Nengeni, ewe Samol mi Lapalap epwe feito lon ekkei won wan woken mi usun chök mölümöl. Epwe apwönüetä an song mi fokun pöchökül me an apwüng mi usun chök pulopulen ekkei.

Jeremaia 4:13

Nengeni, ewe chon oput a feito usun kuchu, an kewe wokenin maun ra feito usun eu ewiniär, nge nöün kewe oris ra müttir seni ekewe ikel. Feiengauach, pun sipwe tatakis.

Taniel 7:13

Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan.

Osea 8:7

Iwe, ra amorafeili asepwäl, nge repwe kini eu ewiniär. Esap wor föün ekewe irä wiich, iei mine esap wor pilawa mi amas. Nge are epwe fen wor, chon ekis repwe eni.

Sowel 2:13

Ousap chök kamwei üfemi, nge oupwe letipeta lon lelukemi.” Oupwe kul ngeni ewe Samol mi Lapalap ämi we Kot, pun a eäni kirikiröch me chen. A songomang o tongotam, a pwal siwili an ekiekin afeiengaua aramas.

Sona 4:2

Mürin a iotek ngeni ewe Samol mi Lapalap o apasa, “Ai Samol mi Lapalap, ifa usun, sap iei usun mine üa apasa pwe kopwe föri, lupwen üa chüen nonom won fanüei? Iei popun ai süla Tarsis, pun üa silei pwe en eman Kot mi ümöümöch o lukpwetete, ka pwal songomang o tongotam. Iwe, üa pwal silei pwe ka tipemecheres le siwili om ekiekin afeiengaua aramas kana.

Sekaraia 9:14

Mürin, ewe Samol mi Lapalap epwe pwäto won nöün aramas, epwe esefichala nöün föün esefich usun chök inefi. Kot ewe Samol mi Lapalap epwe ettiki ewe rappwa o fetaleto lon ekewe mölümöl seni ör.

Numperis 14:18

‘Ewe Samol mi Lapalap a songomang o wöün tong, a amusala föföringau me pupungau, nge esap amusafatei chon tipis, pwe a liwini än samasam tipis won nöür tori aülüngatin me arüanün tettelin aramas.’

Mateus 26:64

Jesus a pölüeni, “Ewer, usun om apasa. Nge üpwe ürenikemi meinisin: Seni ei fansoun oupwe küna Nöün Aramas a mot lepelifichin Ewe mi unusen Manaman, epwe war won kuchun läng.”

James 1:19

Ämi pwii kana mi achengicheng, oupwe chechemeni ei: Aramas meinisin repwe müttir ngeni rong, mang ngeni kapas pwal mang ngeni song,

Pwärätä 1:7

Nengeni, epwe feito won ekewe kuchu! Aramas meinisin repwe küna i, pwal chokewe mi posu. Iwe, aramas meinisin won fanüfan repwe ngüngüres ren met ra föri ngeni. Epwe iei usun met epwe fis. Amen.