Nahum 1:2 - Chuukese Bible

² Ewe Samol mi Lapalap i eman Kot mi lukomong. A apwüngü chokewe mi ü ngeni. Lon an song a ngeni chon oputan chappen ar föför.

Nahum 1:2 Iomraidhean Croise

Hiop 20:23

Lupwen a wes le aura lukan, Kot epwe tinato ren an song mi fokun chou, o fokun wichi.

Kölfel 94:1

Ai Samol mi Lapalap, en ewe Kot mi ngeni aramas chappen ar föföringau, en ewe Kot mi ngeni aramas chappen ar föföringau, kopwe pwärukela.

Ekistos 20:5

Kosap chapetiu ngeniir are fel ngeniir, pun ngang ewe Samol mi Lapalap om Kot eman Kot mi lukomong. Üa liwini än samasam föföringau won nöür kana tori aülüngatin are arüanün tettelin chokana mi oputaei.

Ekistos 34:14

Ousap fel ngeni pwal eman kot, pun ngang ewe Samol mi Lapalap itei lukomong, ngang eman Kot mi lukomong won aramasei.

Ekistos 34:7

Üa eäni tong ngeni ngeröü o amusala föföringau me pupungau me tipis. Nge üsap amusafatei chon tipis, pwe üa liwini än samasam tipis won nöür me nöün nöür tori aülüngatin me arüanün tettelin aramas.”

Aisea 42:13

Ewe Samol mi Lapalap a feito usun eman chon pwora, a fokun tiliken le ekiekin maun usun eman sounfiu. Iwe, a eäni ewe arukaken maun o pwärawu an pwora ngeni ekewe chon oputan.

Aisea 51:17

Kopwe nela o pwätä, en Jerusalem, en mi ün seni än ewe Samol mi Lapalap kapen apwüng, a aünü ngonuk fän an song. Ka pwal apöla lölön ewe kap, iwe, ka mwäliel ren.

Aisea 51:20

Noum kewe mwän ra aiemämä, ra konola lepwokukun ekewe al meinisin usun eman chia mi tup lon eu sär. Iwe, a fokun toriir pöchökülen än ewe Samol mi Lapalap song, pwal än om we Kot apwüng.

Aisea 66:15

Nengeni, ewe Samol mi Lapalap epwe feito lon ekkei won wan woken mi usun chök mölümöl. Epwe apwönüetä an song mi fokun pöchökül me an apwüng mi usun chök pulopulen ekkei.

Jeremaia 25:15

Iei usun mine ewe Samol mi Lapalap ewe Koten Israel a üreniei, “Kopwe angei seni lepei ei kap mi ur ren wainin lingeringer. Kopwe aünü ngeni chon ekewe mwü meinisin üa tinukela rer.

Jeremaia 28:8

Ekewe soufos mi akom mwom me mwei ra osuni seni me lomlom usun maun, lengita me mätter fän äsengesin chomong fanü me mwü mi lap.

Jeremaia 3:5

Ifa usun, kopwe song fochofoch ngeniei? Ifa usun, kopwe lingeringeritiei tori feilfeilachök?’ Iei usun om kapas, nge ka chök föri ekewe föför mi ngau meinisin ka tongeni föri.”

Jeremaia 36:7

Eli repwe iotekin tüngor ngeni ewe Samol mi Lapalap o kul seni ar föför mi ngau. Pun a fokun watte än ewe Samol mi Lapalap song me lingeringer a apwüngü ngeni ekei aramas.”

Jeremaia 4:4

Ämi chon Juta me chon Jerusalem, oupwe apwönüetä ämi pwon ngeniei, ngang ämi Samol mi Lapalap, o apinikemi fän itei. Are ousap föri ei, ai lingeringer epwe towu usun ngetengeten ekkei, pokiten ekewe föför mi ngau oua föriir. Epwe ngetenget, nge esap wor eman epwe kunuela.”

Jeremaia 50:15

Oupwe alapätä ewe akürangen maun pwelin ünükün ewe telinimw. Papilon a fangatä, an kewe imw tekia ra turutiu, nge tittin kewe ra tatiu. Pun iei ngang ewe Samol mi Lapalap üa ngeni chon Papilon chappen ar föför. Oupwe ngeniir chappen ar föför, oupwe föri ngeniir usun mine ra fen föri ngeni aramas.

Kölün kechü 4:11

Ewe Samol mi Lapalap a aunusawu an lingeringer, a ninätiu an song mi chou. A aküüw eu ekkei lon Sion mi kenala longolongun.

Isikiel 36:6

Iei mine kopwe osuni usun ewe fanü Israel o üreni ekewe chukutekia me chukutekison, pwal ekewe öüwö me ekewe lemol, pwe iei aloi ngang Kot ewe Samol mi Lapalap: Nengeni, fän puropuren ai lingeringer üa kapas, pun oua riaföü ren än chon ekewe mwü turunufaseekemi.

Isikiel 38:18

Iei alon Kot ewe Samol mi Lapalap, “Lon ewe rän, lupwen Kok epwe feito o maun ngeni ewe fanü Israel, ai song epwe säsewu.

Isikiel 38:19

Pun lon ekimongun letipei, pwal lon watten ai lingeringer üa pwärätä, pwe lon ewe rän epwe fis eu chech mi fokun lapalap lon ewe fanü Israel.

Isikiel 39:25

Iwe, Kot ewe Samol mi Lapalap a apasa: “Iei üpwe aliwinala ekewe mwirimwirin Jakop mi oola, üpwe pwal eäni tong ngeni ekewe chon Israel meinisin o tümwünü pwe itei mi pin epwe iteüöch.

Isikiel 5:13

Iei usun üpwe anafa ai song o amüchü ai lingeringer ngenikemi. Nge lupwen epwe wes ai lingeringer, oupwe silei pwe ngang ewe Samol mi Lapalap üa kapas lon ai lukomong.

Isikiel 6:12

Iwe, ir mi nom won fanü toau repwe mäla ren mätter, nge ir mi nom won fanü mi arap repwe mäla lon maun, nge ir mi chüen manau me mürin repwe mäla ren lengita. Iei usun üpwe fokun song ngeniir.

Isikiel 8:18

Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”

Sowel 2:18

Mürin, ewe Samol mi Lapalap epwe ekimongei fanüan o tongei nöün aramas.

Lifitikos 26:28

mürin üpwe pwal ü ngenikemi lon ai song o püsin emiritikemi fän fisu lap seni me mwan pokiten ämi tipis.

Mika 5:15

Fän ai song me lingeringer üpwe ngeni chon ekewe mwü resap aleasochis chappen ar föför.”

Mika 7:18

Esap wor eman Kot usun en. Ka amusala tipis o apichala pupungauen chokewe mi chüen manau me lein noum kewe aramas. Kosap amwöchü om song tori feilfeilachök, nge ka pwapwa le pwärätä om tong ellet ngenikem.

Sekaraia 1:14

Mürin, ewe chon läng a üreniei pwe üpwe asilefeili alon ewe Samol mi Unusen Manaman, ‘Ngang üa fokun echeni o ekimongei Jerusalem me Sion.

Sekaraia 8:2

“Üa ekipwichi ai üpwe alisi Jerusalem, pun üa fokun echeni aramasan. Lon ai echeniir üa song ngeni chon oputeer.”

Numperis 25:11

“Pineas a akulu ai song seni ekewe aramasen Israel. Pokiten i a lukomonguni ai lukomong wor, iei mine üsap chüen arosala ekewe aramasen Israel lon ai lukomong.

Nöün Paulus Toropwe ngeni ekewe Souläng lon Rom 12:19

Ämi pwii kana, ousap liwini ngeni eman chappen an föför, nge oupwe mwüt ngeni Kot epwe föri. Pun a mak lon ewe Toropwe mi Pin, “Ngang üpwe ngeniir chappen ar föför, üpwe liwini ngeniir ükükün liwinin ar föför mi ngau, iei alon ewe Samol.”

Nöün Paulus Toropwe ngeni ekewe Souläng lon Rom 13:4

Pun ir nöün Kot chon angang, ra angang fänäsengesimi pwe oupwe feiöch. Nge are oua föri mine a ngau, oupwe niuokusitiir, pun a wor ar pöchökül le apwüngü aramas. Ir nöün Kot kewe chon angang, ra wisen apwönüetä pwüngün än Kot we apwüng ngeni chokewe mi föri mine a ngau.

Tuteronomi 4:24

Pun ewe Samol mi Lapalap ämi we Kot a usun chök eu ekkei mi kü, pwal eman Kot mi lukomong.

Tuteronomi 7:10

Nge chokewe mi oputa i epwe nirela. Pun esap mang le awena ngeni ätewe a oputa i liwinin an föför.

Ipru 10:30

Pun sia silei ewe mi apasa, “Üpwe ngeniir chappen ar föför, ngang üpwe liwini ngeniir.” A pwal apasa, “Ewe Samol epwe apwüngü nöün aramas.”

Josua 24:19

Nge Josua a üreni ekewe aramas, “Ämi ousap tongeni angang ngeni ewe Samol mi Lapalap, pun i eman Kot mi pin, i pwal eman Kot mi lukomong. Esap mochen amusala ämi pupungau me tipis.

2. Petrus 2:9

Ekei pworaus ra aiti ngenikich, pwe ewe Samol a silei usun an epwe amanaua ekewe aramas mi likitü lon ar lükü seni sosot, nge epwe amwöchü ekewe chon föföringau ngeni ewe Ränin Kapwüng, pwe epwe apwüngüür.