Mika 7:3 - Chuukese Bible

³ Ra fokun sipeöch le föri mine a ngau. Ekewe nöüwis me soukapwüng ra angei lifangen amichimich. Ekewe aramas tekia ra apasawu mochenin letiper, ir meinisin ra rawangaufengen.

Mika 7:3 Iomraidhean Croise

Mika 3:11

Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”

Amos 5:12

Pun üa silei pwe ämi kewe föföringau ra chomong, nge ämi kewe tipis ra watte. Ämi oua ariaföüü ekewe chon pwüng o angei lifangen amichimich, oua pwal epeti ekewe chon mwelele pwe resap angei ar pwüng me lon kapwüng.

Jeremaia 8:10

Iei mine üpwe fangala pwülüer ngeni chon ekis, pwal fanüer ngeni chokewe mi liapeniir. Pun seni ekewe mi kis tori ekewe mi lap, ir meinisin ra kütta ar win fän pwüngingau, pwal seni ekewe soufos tori ekewe souasor, ir meinisin ra atupu aramas.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

Mateus 26:15

o aisiniir, “Met oupwe ngeniei are üpwe afangamä Jesus ngenikemi?” Iwe, ra ngeni ilik föün moni silifer.

Osea 4:18

Ir eu mwichen chon pulas, ra fangala inisir fän iten lisowu, ra efich itengau lap seni iteüöch.

Isikiel 22:27

Ekewe nöüwis mi nom lon ra usun chök wolif mi ochei liaper. Iwe, ra nimanauei aramas, pwe repwe pisekisekila ren.

Isikiel 22:6

Nengeni, ekewe samolun Israel meinisin mi nom lon ei telinimw ra chök ekiekin aea ar nemenem pwe repwe nimanauei aramas.

Jeremaia 3:5

Ifa usun, kopwe song fochofoch ngeniei? Ifa usun, kopwe lingeringeritiei tori feilfeilachök?’ Iei usun om kapas, nge ka chök föri ekewe föför mi ngau meinisin ka tongeni föri.”

Aisea 26:21

Iwe, ewe Samol mi Lapalap epwe towu seni lon lenian, pwe epwe apwüngü chon fanüfan pokiten ar tipis. Ewe angangen nimanau mi fis won fanüfan le monomon epwe pwäpwäla, nge ewe pwül esap chüen aopala chokewe mi ninnila.

Aisea 1:23

Om kewe souemwen ra wiliti chon pälüeni mwü, ra pwal chiechi ngeni chon solä. Ir meinisin ra sani lifangen amichimich, ra pwal tipemong won lifang. Resap peni chokewe mi mäsen lon kapwüng, resap pwal alisi ekewe fefin mi mä pwülüer.

Än Salomon Fos 17:23

Eman aramas mi ngau a angei lifangen amichimich fän monomon, pwe epwe arikala pwüngün kapwüng.

Aisea 3:5

Iwe, aramas repwe kirikiringaufengen lefiler eman ngeni eman. Säräfö resap suföliti chinlap, nge chokewe esap wor iter repwe pälüeni ekewe mi iteföüla.

Aisea 5:23

Oua amusa ekewe mi tipis fän iten lifangen amichimich, nge oua atipisimwäli chokewe esap wor ar tipis.

Aisea 32:7

Iwe, föförün eman chon atuputup a ngau, a chök ekiekietä mine a pwüngingau, pwe epwe afeiengaua chon wöüngau ren kapas chofana, inamwo ika a pwä än ewe chon osupwang pwüng.

Isikiel 9:9

Iwe, Kot a pälüeniei, “Än chon Israel me chon Juta tipis a fokun wattela. Ra nimanauei aramas lon unusen ewe fanü o föri mine a pwüngingau lon Jerusalem. Ra apasa, ‘Ewe Samol mi Lapalap a likitala ei fanü, esap pwal küna mine sa föri.’

Isikiel 22:12

Oua pwal angei lifangen amichimich pwe oupwe nimanauei aramas. Iwe, oua awattela winnen nöümi moni ika angei manauan seni chon arumi fän pöchökül, nge oua manlükieila,” iei alon Kot ewe Samol mi Lapalap.

Osea 7:3

Ra apwapwai ewe king ren ar föför mi ngau, ra pwal apwapwai ekewe samol ren ar kapas chofana.

Mika 2:8

Ewe Samol mi Lapalap a apasa, “Ekis chök fansoun a la, ämi nei aramas oua ütä usun chök chon oputaei. Oua angeala üfen chokewe mi pwerela, nge resap ekieki och, ir chokewe mi liwinto seni maun.

Mika 3:2

Nge ämi oua oput mine a mürina o efich mine a ngau. Ämi oua äsera ünüchen nei aramas o etti fituker seni chür.

Än Salomon Fos 16:30

Eman mi ächiki mesan a ekiekietä föför mi atuputup, nge eman mi emeni awan a föri mine a ngau.

Jeremaia 4:22

Ewe Samol mi Lapalap a apasa, “Nei aramas ra umwes, resap sileei. Ra usun chök semirit mi tiparoch, resap mirit. Ra sipeöch le föri mine a ngau, nge resap silei ar repwe föri föför mi öch.”

Isikiel 34:21

Ämi oua etia ren möküremi me lepekimi ekewe mi apwangapwang, oua pwal pureer ren mächämi tori ra toropasfeil ekis meinisin.