Mika 4:3 - Chuukese Bible

³ Ewe Samol mi Lapalap epwe eäni apwüng lefilen chomong aramas o aükätiu fitikoko lefilen mwü mi pöchökül, ekewe mi arapoto me toau. Iwe, repwe amani nöür ketilas o awiliir ngeni pisekin tu pwül, nge wokur siles repwe awiliir ngeni näifen otot. Mwü kana resap chüen maunfengen, resap pwal chüen kaiö maun.

Mika 4:3 Iomraidhean Croise

Kölfel 46:10

A apasa, “Oupwe emwen le maun, oupwe silei pwe ngang echök Kot. Ngang üa tekia seni chon ekewe mwü, ngang üa tekia won fanüfan.”

Kölfel 46:9

A aükätiu maun won unusen fanüfan, a kupi ekewe likapich o pwülü ekewe siles, a fisi ngeni ekkei ekewe wokenin maun.

Kölfel 72:3

Amwo ewe fanü epwe awora feiöch me kinamwe ngeni ekewe aramas, amwo epwe fis pwüng lon.

Kölfel 72:7

Amwo pwüng epwe fefeitä lon ränin manauan, nge feiöch me kinamwe epwe lapala, tori ewe maram esap chüen nom.

Kölfel 82:8

Ai Kot, kopwe feito o apwüngü fanüfan, pun noum chök chon ekewe mwü meinisin.

Kölfel 96:13

fän mesen ewe Samol mi Lapalap, pun i epwe feito, epwe feito pwe epwe apwüngü chon fanüfan. Epwe apwüngü fanüfan fän pwüng, pwal ekewe aramas fän let.

Kölfel 98:9

Repwe köl me fän mesen ewe Samol mi Lapalap, pun epwe feito o apwüngü chon fanüfan. Epwe apwüngü chon ekewe mwü fän pwüng me wenechar.

Aisea 2:4

Ewe Samol mi Lapalap epwe souapwüng lefilen ekewe mwü, epwe pwal aükätiu änini lefilen aramas. Iwe, repwe amani nöür ketilas o awili ngeni pisekin tuw pwül, nge wokur siles repwe awili ngeni naifen otot. Ekewe mwü resap chüen maunfengen, resap pwal chüen kaiö maun.

Aisea 25:3

Iei mine aramasen ekewe mwü mi pöchökül repwe alingok, aramasen ekewe telinimw mi mwänewüs repwe niuokusituk.

Aisea 51:5

Iwe, ai pwüng epwe müttir kaneto, fansoun ai amanaueer a fefeito. Püsin ngang üpwe nemeni chon ekewe mwü won fanüfan. Iwe, ekewe fanüen lematau ra witiwitiei, ra apilükülükü ai üpwe amanaueer.

Aisea 60:12

Nge chon ekewe mwü resap mochen angang ngonuk repwe rosola, fanüer epwe fokun tala.

Aisea 65:25

Eman wolif me eman apanen sip repwe mongöfengen, eman laion epwe mongö fetilipwas usun eman kow, nge eman serepenit epwe mongö pwül moromor. Iwe, resap chüen afeiengaua eman ika atala och me won unusen chuki mi pin.” Iei alon ewe Samol mi Lapalap.

Aisea 9:7

Iwe, nemeneman epwe chök wattela, nge mwün epwe chök kinamwe fansoun meinisin. Epwe siwili Tafit lon wisan wisen king o nemeni mwün. Epwe aüetä o apöchöküla mwün ren apwüng me pwüngüöch seni ikenai tori feilfeilachök. Iwe, ewe Samol mi Unusen Manaman epwe tiliken le apwönüetä ei.

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Osea 2:18

Lon ena fansoun üpwe eäni eu pwon ngeni ekewe manmwachon lemäl, ekewe machang me ekewe mantötö, pwe resap afeiengaua nei aramas. Üpwe kupi ewe esefich me ewe ketilas o aükätiu maun me lon ewe fanü. Üpwe föri pwe nei aramas repwe nom fän kinamwe.

Osea 2:20

Üpwe pwülüenuk fän allükülük, nge en kopwe silei pwe ngang ewe Samol mi Lapalap.”

Sowel 3:2

üpwe achufengeni chon ekewe mwü meinisin o emweniretiu lon ewe lemol ia epwe fis kapwüng ie. Ikenan üpwe apwüngüür pokiten ar föför mi ngau ngeni nei aramasen Israel. Pun ra atoropasafeiliir lein ekewe mwü o aineti fanüei lefiler.

Mika 5:15

Fän ai song me lingeringer üpwe ngeni chon ekewe mwü resap aleasochis chappen ar föför.”

Sekaraia 14:3

Mürin, ewe Samol mi Lapalap epwe feito o maun ngeni chon ekewe mwü, usun a fen föri lon fansoun maun.

Sekaraia 8:20

Iei alon ewe Samol mi Unusen Manaman, “Epwe war eu fansoun pwe chon ekewe mwü me chokewe mi imweimw lon chomong telinimw repwe feito Jerusalem.

Sekaraia 9:10

Ewe Samol mi Lapalap a apasa, “Ngang üpwe ärala ekewe wokenin maun seni Israel me ekewe orisin maun seni Jerusalem, nge ekewe esefichin maun repwe ärela. Ämi King epwe awora kinamwe ngeni chon ekewe mwü, nge an nemenem epwe seni eu matau tori pwal eu, pwal seni ewe chanpupu Oifrat tori lesopun fanüfan.”

Föför 17:31

Pun a filätä eu rän epwe apwüngü unusen chon fanüfan meinisin fän pwüng ren eman mwän i a awisa ngeni. A fen alletätä ei ngeni aramas meinisin ren an amanauasefäli ei mwän seni mäla.”

Pwärätä 19:11

Mürin üa küna pwe läng a suk, iwe, a wor eman oris mi pwechepwech. Ewe chon wawa a iteni Allükülük me Let, a eäni kapüng fän wenechar o maun fän pwüng.

1. Samuel 2:10

Ekewe chon ü ngeni ewe Samol mi Lapalap repwe rosola. Kot epwe apüngätiu chopulap wor seni lon läng. Ewe Samol mi Lapalap epwe apwüngü unusen fanüfan, epwe ngeni nöün king pöchökül o awinna nöün we mi kepit.”