Mika 1:7 - Chuukese Bible

⁷ An kewe uluulun anümwäl meinisin repwe tatakis, an kewe lifang ngeni ewe imwenfel meinisin repwe karala. Nge Ngang üpwe fokun ataela an kewe uluulun anümwäl meinisin. Pokiten Samaria a achufengeni ekewe lifang seni liwinin chon amömö inisir fän iten angangen lisowu, iei mine chon oputer repwe pwal aeasefäl ngeni liwinin chon amömö inisir fän iten angangen lisowu.”

Mika 1:7 Iomraidhean Croise

2. Kronika 31:1

Iwe, wesin ar we chulap ekewe chon Israel mi eti ra feila lon ekewe telinimwen Juta, ra atatakisi ekewe ür o pöküetiu ekewe uluulun ewe anüfefin Asera. Ra pwal ataetiu ekewe rongen asor me ekewe lenien fel won ekewe leni tekia lemenen Juta me Peniamin meinisin, pwal lon Efraim me Manasa. Mürin ar atarala meinisin ekewe aramasen Israel meinisin ra liwiniti en me an telinimw lon en me fanüan.

Aisea 2:18

Iwe, ekewe uluulun anümwäl repwe wesewesen morola.

Aisea 23:17

Iwe, mürin ekewe fik ier ewe Samol mi Lapalap epwe föri pwe Tirus epwe kaüsefäl. Epwe liwinsefäliti an angangen amömö ngeni ekewe mwü won unusen fanüfan.

Aisea 27:9

Nge än chon Israel tipis epwe chök musala, are ra atai ekewe rongen uluulun anümwäl, pwe föür repwe wiliti pwül moromor, are ra pwal ataela ekewe uluulun ewe anüfefin Astarot, pwal ekewe rongen asoren ötüöt, pwe resap chüen nom.

Isikiel 6:6

Ekis meinisin ia oua nom ie telinimwemi me ämi kewe lenien fel won ekewe leni tekia repwe tala, pwe ämi kewe rongen asor me ämi kewe uluulun anümwäl repwe mökküla o tatakisitiu, ämi rongen asoren ötüöt repwe sönüla, nge föriemi angang repwe mola.

Osea 2:12

Üpwe ataela än neminewe kewe irän wain me an kewe irä fiik, a apasa usun pwe liwinin me ren nöün kewe kamwet. Üpwe awili an kewe tanipi ngeni eu wöllap, nge ekewe manmwacho repwe atarala.

Osea 2:14

Iei mine üpwe panala neminewe, üpwe emwenala lon ewe fanüapö o kapas pwetete ngeni.

Osea 2:5

Iner we a kirikiringau, a nöüniir fän an föri föför mi ässäw, pun a apasa, “Üpwe tapwela mürin nei kewe kamwet mi ngeniei enei mongö me ünümei koluk, ai ülen man me mangaku mi pwechepwech, ai apüra seni föün olif me wain.”

Osea 8:5

Üa oput ewe uluulun nienifön kow ekewe chon Samaria ra fel ngeni. Ai song a pulopul ngeniir. Inet repwe ükütiu le fel ngeni ekewe uluulun anümwäl?

Osea 8:6

Ewe uluulun anümwäl, eman souangang re Israel a föri, esap fokun i Kot. Ewe uluulun nienifön kow lon Samaria epwe tatakis.

Sowel 3:3

Ra pwal asisil won nei aramas iö epwe nöüniir amanau. Iwe, ra amömöla eman ät pwe epwe wor mön ar lisowu, ra pwal amömöla eman nengin pwe epwe wor mön ünümer wain.

Lifitikos 26:30

Üpwe atai ämi kewe lenien fel won ekewe leni tekia o pökükisietiu ämi kewe rongen asoren ötüöt. Üpwe pwal moneetä inisin ämi kewe somä won ämi kewe uluulun anümwäl mi tatakis. Iwe, üpwe fokun oputakemi.

Tuteronomi 23:18

Kosap uwato liwinin eman fin lisowu ika liwinin eman mwän mi lisowu lon imwen ewe Samol mi Lapalap om we Kot pwe liwinin om pwon, pun ekei sokun aramas ra anioput me ren ewe Samol mi Lapalap om we Kot.

Tuteronomi 9:21

Mürin üa angei ewe uluulun kow oua föri, ewe mettoch oua tipis ren, o aturalong lon ekkei. Üa pwal amökkü o atatakisi tori a usun chök pipisüsü. Mürin üa aturalong pipisüsün lon ewe öüwö mi pu seni ewe chuk.

Pwärätä 18:3

Pun chon ekewe mwü meinisin ra puchula ren ar ün ünüman wain, iei ewe wainen an mocheisou. Ekewe kingen fanüfan ra föri föförün lisowu ngeni, nge ekewe chon amömö won fanüfan ra pisekisekila ren chomongun an kewe föför mi ngau.”

Pwärätä 18:9

Iwe, ekewe kingen fanüfan mi eti i le föri föförün lisowu me mocheniangau repwe pupuchör o kechüeiti ewe telinimw, lupwen repwe küna ötüötün ewe ekkei mi kenala.

1. Samuel 5:4

Nge lupwen ra pwal pwätä lesosorusichin sorotän ewe rän, ra küna pwe ar we uluulun anü Takon a chapala lepwül mwen än ewe Samol mi Lapalap we pworofel. Iwe, möküran me pöün me ruofoch ra pöküla o nom won amwüchün fän ewe asamalap, inisin chök a nom.