Mika 1:6 - Chuukese Bible

⁶ Iei mine ewe Samol mi Lapalap a apasa, “Üpwe föri pwe Samaria epwe wiliti eu ioien pipi me lon eu maasies, pwal eu lenien fot irän wain. Üpwe asonätiu föün ewe telinimw lon ewe lemol o pwärawu longolongun.

Mika 1:6 Iomraidhean Croise

2. Samuel 17:13

Nge are epwe tolong lon eu telinimw, chon Israel meinisin repwe uwato säl o üri ewe telinimw ngeni ewe lemol tori esap chüen wor emök fau epwe nom lon ewe leni.”

2. King 18:10

Mürin ülüngat ier Salmaneser a liapeni ewe telinimw. Iwe, Samaria a oola lon awonuen ierin mwün Hiskia, iei atiuen ierin mwün Hosea ewe kingen Israel.

2. King 18:9

Iwe, lon arüanün ierin mwün Hiskia, iei afisuen ierin mwün Hosea nöün Ela ewe kingen Israel, Salmaneser ewe kingen Asiria a feito pwe epwe maun ngeni Samaria o pwelifeili ewe telinimw fän pisekin maun.

2. King 19:25

Ifa usun, kosamwo rongorong pwe üa ekiekietä ei me lomlom, üa pwal akota lon fansoun lom? Nge iei üa apwönüetä. Üa atufichuk pwe kopwe ataela telinimw mi pöchökül tittir, pwe repwe wewe ngeni ioien mettoch mi ta.

Aisea 17:1

Iei än Kot kapas usun Tamaskus: Tamaskus esap chüen eu telinimw, nge epwe wiliti eu ioien mettoch mi tala.

Aisea 25:12

Iwe, epwe ataela an kewe imwen maun me tittir mi tekia, epwe fokun atururela lepwül.

Aisea 25:2

Ka föri pwe ewe telinimw a wiliti eu ioien mettoch mi tatakis, ewe telinimw mi pöchökül tittin a tala. Ekewe imwen kingen chon ekis ra tala, esap wor eman epwe aüsefäliretä.

Jeremaia 31:5

Oupwe fotukisefäli ekewe tanipin wain won ekewe chukun Samaria. Ekewe chon tanipi repwe fotuki ekewe irän wain o ochei uar fän pwapwa.

Jeremaia 51:25

Iei alon ewe Samol mi Lapalap, “Papilon, en ka wewe ngeni eu chuk mi ataala unusen fanüfan. Nge ngang üpwe ü ngonuk. Üpwe turufuk pwe üpwe asokopeluketiu lepökün ewe achau o föri pwe kopwe wiliti eu chuk mi karala.

Jeremaia 51:37

Papilon epwe wiliti eu ioien mettoch mi tala, eu leni ia kolak mi mwacho ra nom ie. Epwe och minen eniweniw me och minen turunufas, eu leni esap so.

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Kölün kechü 4:1

Ewe kolt a toputopula, ewe kolt mi mürina esap chüen molupolup. Föün ewe imwenfel ra toropasala lon ekewe al.

Isikiel 13:14

Iwe, üpwe atai ewe tit oua apwecha, üpwe pwal aturala won pwül pwe epwe pwä longolongun. Iwe, lupwen epwe turula, oupwe mäla fan. Mürin oupwe silei pwe ngang ewe Samol mi Lapalap.

Osea 13:16

Ekewe aramasen Samaria repwe angei liwinin ar kewe tipis, pun ra ü ngeniei. Repwe mäla lon maun, nöür kewe semirit repwe tatakis, nge ekewe fefin mi pwopwo epwe tiletil luker.”

Amos 5:11

Oua ariaföüü ekewe chon wöüngau o eriani seniir ar kewe wiich. Iei mine, inamwo ika oua aüetä imw seni fau mi fal, nge ousap nonom lor. Inamwo ika oua fotuki tanipin wain mi fokun mürina, nge ousap ün wain seni.

Amos 6:8

Iwe, Kot ewe Samol mi Lapalap a eäni akapel püsin itan, Kot ewe Samol mi Unusen Manaman a apasa, “Üa oput än ekewe chon Israel lamalamtekia o anioputa imwer kewe mi watte o ling. Üpwe asechalong ar we telinimw me meinisin mine a nom lon lepöün chon oputeer.”

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.

Apakuk 3:13

Ka feito pwe kopwe amanaua noum aramas, pwe kopwe amanaua noum we king mi kepit. Nge ka atatakisi ewe souemwenin ewe mwichen aramasangau o arosala chokewe meinisin mi tapwela mürin.

Mateus 24:2

Nge Jesus a üreniir, “Ewer, oua nenengeni ekei mettoch meinisin. Enlet, üpwe ürenikemi: Esap fokun wor eföü fau epwe chüen nom lon lenian. Meinisin ekewe fau repwe toropasetiu.”