Mika 1:12 - Chuukese Bible

¹² Ekewe chon Marot ra niuokus o witiwiti än eman epwe alisiir, pun ewe Samol mi Lapalap a awarato feiengau, a tori ekewe asamalapen Jerusalem.

Mika 1:12 Iomraidhean Croise

Hiop 30:26

Nge lupwen ngang üa asüküsükü feiöch, feiengau a toriei. Lupwen üa witiwiti saram, rochopwak a toriei.

Aisea 45:7

Ngang üa förätä saram, üa pwal förätä rochopwak. Ngang üa awarato feiöch me feiengau. Ngang ewe Samol mi Lapalap, üa föri ekei mettoch meinisin.”

Jeremaia 14:19

Äm Samol mi Lapalap, ifa usun, ka wesewesen likitala Juta? Ifa usun, ka oput ekewe aramasen Sion? Pwota ka awatakem pwe aisap chüen tongeni pöchökülsefäl? Äm aia ösüküsükü kinamwe, nge esor och mi mürina a torikem. Aia ösüküsükü eu fansoun aipwe pöchökülsefäl, nge a chök fis niuokus watte.

Jeremaia 8:15

Sa apilükülükü kinamwe, nge feiengau a war. Sa apilükülükü eu fansoun pöchökülsefäl, nge niuokus watte a torikich.

Amos 3:6

Ifa usun, aramas resap niuokus lupwen ra rongorong tikin rappwan maun me lon eu telinimw? Ifa usun, epwe fis feiengau lon eu telinimw, are ewe Samol mi Lapalap esap awarato?

Mika 1:9

Pun kinasen Samaria we esap tongeni mola. Ewe feiengau a fen tori Juta, a pwal tori ekewe asamalapen Jerusalem, ia nei aramas ra imweimw ie.”

Rut 1:20

Iwe, a üreniir, “Ousap aita ngeniei Naomi , nge oupwe aita ngeniei Mara , pun Ewe mi Unusen Manaman a amarasa letipei.

1. Samuel 4:13

Lupwen ätewe a tori Silo, Eli a mot won an lenien mot o nennela won ewe al, pun a aüreki än Kot we pworofel. Iwe, lupwen ewe mwän a tolong lon ewe telinimw o apworausa ewe pworaus, chon ewe telinimw meinisin ra kechü fän leüomong.