Mika 1:1 - Chuukese Bible

¹ Iwe, lon mwün Jotam, Ahas me Hiskia ekewe kingen Juta, ewe Samol mi Lapalap a kapas ngeni Mik ewe re Moreset. Iei usun mine a pwäri ngeni Mik fänäsengesin Samaria me Jerusalem:

Mika 1:1 Iomraidhean Croise

2. King 15:32

Iwe, lon aruuen ierin mwün Peka nöün Remalia we mwän ewe kingen Israel, Jotam nöün Ussia we mwän a tolong lon wisan wisen king o nemeni Juta,

2. King 15:5

Iwe, ewe Samol mi Lapalap a afeiengaua ewe king, pwe a üri rupun pwötür tori an mäla. A imwüla o nonom lon eu imw. Nge Jotam nöün ewe king we mwän a samolun chon leimwen ewe king o nemeni aramasen ewe fanü.

2. King 16:1

Iwe, lon engol me fisuen ierin mwün Peka nöün Remalia we ewe kingen Israel, Ahas nöün Jotam we mwän a tolong lon wisan wisen king o nemeni Juta,

2. King 18:1

Iwe, lon aülüngatin ierin mwün Hosea nöün Ela we mwän ewe kingen Israel, Hiskia nöün Ahas we mwän a tolong lon wisan wisen king o nemeni Juta,

2. Kronika 28:1

Iwe, Ahas a ierini rüe, lupwen a tolong lon wisan wisen king. A nom lon Jerusalem o nemenem lon ükükün engol me wonu ier. Nge Ahas esap föri mine a pwüng me fän mesen ewe Samol mi Lapalap usun Tafit an we lewo.

2. Kronika 29:1

Iwe, Hiskia a ierini rüe me limu, lupwen a tolong lon wisan wisen king. A nom lon Jerusalem o nemenem lon ükükün rüe me tiu ier. Iten inan Apia nöün Sekaria we fefin.

Aisea 1:1

Iei künään Aisea nöün Am we mwän usun Juta me Jerusalem, a küna lon mwün ekewe king iter Ussia, Jotam, Ahas me Hiskia.

Aisea 1:2

Iei alon ewe Samol mi Lapalap, “Oupwe rongorong, läng me fanüfan, mine üa apasa: Üa foleni nau kana, nge ra ü ngeniei.

Aisea 7:1

Lupwen Ahas nöün Jotam we mwän, nge Jotam nöün Ussia we, a kingen Juta, a fis pwe Resin ewe kingen Siria me Peka nöün Remalia we, ewe kingen Israel, ra feila Jerusalem o maun ngeni, nge resap tongeni liapeni.

Aisea 7:9

Iwe, Samaria epwe chök samolun telinimwen Israel, nge nöün Remalia we epwe chök samolun Samaria. Are ousap nüküchar lon ämi lükülük, ousap tongeni nonom.’”

Jeremaia 26:18

“Mika seni Moroset a osuni lon fansoun Hiskia ewe kingen Juta o üreni ekewe aramasen Juta meinisin, ‘Iei alon ewe Samol mi Unusen Manaman: Sion epwe tutä usun eu mälämäl. Jerusalem epwe wiliti eu ioien pipi, nge ewe chuk ia ewe imwenfel a nom ie epwe wiliti eu wöllap.’

Osea 1:1

Iei ewe pworaus ewe Samol mi Lapalap a asile ngeni Osea nöün Peri we mwän lon mwün ekewe kingen Juta iter Usia, Jotam, Ahas me Hiskia, pwal lon mwün Jeropoam nöün Joas we mwän ewe kingen Israel.

Osea 4:15

Inamwo are ämi chon Israel oua föri angangen lisowu, nge amwo chon Juta resap pwal föri ei sokun tipis. Ousap feila pwe oupwe fel lon Kilkal ika lon Pet-awen , ousap pwal eäni ei akapel, “Mwo manauen ewe Samol mi Lapalap.”

Osea 8:14

Chon Israel ra aüetä imwen king, nge ra manlükala Ewe mi Föriir. Ekewe chon Juta ra achomonga ar kewe telinimw mi pöchökül tittir. Nge ngang üpwe tinala ekkei wor, epwe kenala ar kewe imwen king me ar kewe telinimw.”

Amos 1:1

Ikkei ekewe kapas än Am, eman chon masen sip seni Tekoa. Ruu ier mwen ewe chechechin fanü, lupwen Usia a king lon Juta, nge Jeropoam nöün Jehoas we a king lon Israel, Kot a pwäri ngeni Am ekei mettoch fänäsengesin Israel.

Amos 6:1

Feiengauemi ämi mi nonomöch lon Sion, ämi mi mefi kinamwe lon Samaria, pwal ämi mwän mi iteföüla mi nom lon eu mwü mi iteföüla, ämi chokewe chon Israel ra feito remi pwe repwe kütta alilisir senikemi.

Mika 1:5

Ekei mettoch meinisin repwe fis pokiten än mwirimwirin Jakop kewe pupungau me än chon Israel kewe tipis. Iö popun än mwirimwirin Jakop pupungau? Sap ekewe chon Samaria? Iö a fel ngeni ekewe uluulun anümwäl me lon Juta? Sap ekewe chon Jerusalem?

Mika 3:9

Oupwe rongorong, ämi kewe mi emweni ekewe mwirimwirin Jakop pwal ämi mi nemeni ekewe chon Israel, ämi chokewe mi oput pwüng o atoka meinisin mine a wenechar,

Apakuk 1:1

Iei ewe pworaus Kot a pwäri ngeni ewe soufos Apakuk.

2. Petrus 1:21

Pun esap wor och kapasen osuni a feito seni letipen aramas, nge ekewe aramas ra nom fän nemenien ewe Ngünmifel ra apasatä ewe kapas a feito seni Kot.