Mateus 9:6 - Chuukese Bible

⁶ Iwe, ngang üpwe alükülükü ngenikemi, pwe Nöün Aramas a wor an pwüüng won fanüfan an epwe amusala tipis.” Iei mine a üreni ewe mwän mi mwök, “Kopwe ütä, angei kiom o feila lon imwom.”

Mateus 9:6 Iomraidhean Croise

Aisea 43:25

Ngang, ngang chök ewe Kot mi amoela om pupungau fän püsin itei, nge üsap chüen chechemeni om tipis kana.

Mika 7:18

Esap wor eman Kot usun en. Ka amusala tipis o apichala pupungauen chokewe mi chüen manau me lein noum kewe aramas. Kosap amwöchü om song tori feilfeilachök, nge ka pwapwa le pwärätä om tong ellet ngenikem.

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Mateus 8:20

Jesus a üreni, “Ekewe foks a wor pwanger fän pwül, ekewe mansüsü a wor faser, nge Nöün Aramas esap wor lenian ia epwe konola ie.”

Mateus 9:2

Ekoch aramas ra ekieto ren eman mwän mi mwök won an peet. Lupwen Jesus a küna ar lükülük, a üreni ewe mwän mi mwök, “Nei, kopwe apilükülük! Om tipis kana ra musala.”

Mateus 9:5

Meta a mecheres, ai apasa, ‘Om tipis kana ra musala,’ are ai apasa, ‘Kopwe ütä o fetal?’

Mateus 9:7

Mürin ewe mwän a ütä o feila lon imwan.

Markus 2:10

Ngang üpwe alükülükü ngenikemi, pwe Nöün Aramas a wor an pwüüng won fanüfan an epwe amusala tipis.” Iei mine a üreni ewe mwän mi mwök,

Markus 2:7

“Pwota ätei a iei usun an kapas? A eäni kapasen turunufas. Iö a tongeni amusala tipis, sap Kot echök?”

Lukas 5:21

Iwe, ekewe Sensen Allük me ekewe Farisi ra popuetä le ekieki lon leluker, “Iö ei mwän a apasa ekei kapasen turunufas? Iö a tongeni amusala tipis, sap Kot echök?”

Johannes 10:28

Üa fang ngeniir manau esemüch, nge ir resap fokun pöütmwälila. Esap wor eman a tongeni ettiir me lepei.

Johannes 17:2

Pun ka ngeni nemenem won aramas meinisin, pwe epwe ngeni chokewe en ka ngeni manau esemüch.

Johannes 5:27

Iwe, a ngeni ewe Nau ewe wis pwe epwe souapwüng, pun i ewe Nöün Aramas.

Johannes 5:8

Iwe, Jesus a üreni ewe mwän, “Kopwe ütä, angei kiom o fetal.”

Föför 5:31

Nge Kot a atekiatai o anomu lepelifichin pwe epwe Samol me Chon Amanau, pwe epwe awora ekieksefäl me amusamusen tipis ngeni chon Israel.

Föför 9:34

Iwe, Petrus a üreni, “Äneas, Jesus Kraist epwe apöchökülok iei. Kopwe pwätä o önü kiom.” Lon ewe chök otun Äneas a pwätä.

2. Korint 2:10

Lupwen oua amusala tipisin eman ren met a föri, ngang üa pwal amusala an tipis. Pun are mi wor och mine üpwe amusala won, ngang üa amusala fänäsengesimi mwen mesen Kraist.

2. Korint 5:20

Iei mine äm aia chon arong fän iten Kraist usun itä nge Kot a nöünöü äm le tüngor ngenikemi. Äm aia tüngormau ngenikemi fän iten Kraist: Oupwe chäfengen me Kot.

Efisos 4:32

Nge oupwe eäni kirikiröch o leluköch lefilemi, oupwe amusamusfengen usun chök Kot a amusala ämi tipis ren Kraist.

Kolose 3:13

Oupwe songomangfengen o amusamusfengen are eman a chou ngeni eman. Oupwe fokun amusamusfengen usun ach Samol a amusala ämi tipis.