Mateus 9:23 - Chuukese Bible

²³ Mürin Jesus a feila lon imwen ewe nöüwis. Nge lupwen a küna ekewe chon ettiki pisekin ettik won ewe mi mäla, pwal ekewe aramas mi ngüngüres o kechü,

Mateus 9:23 Iomraidhean Croise

2. Kronika 35:25

Pwal ewe soufos Jeremaia a föri echö kölün kechü fän iten Josia. Nge ekewe chon köl mwän me fefin ra föüni iten Josia lon ar kölün kechü tori ikenai. Ei a wiliti eu örüni lon Israel. Iwe, ei köl a makelong lon ewe puken kölün kechü.

Jeremaia 16:6

Iwe, aramas tekia me aramas tekison repwe mäla lon ei fanü. Resap peias, esap pwal wor eman epwe kechüeitiir ika akinasa inisin ika räisöla möküran fän iter.

Isikiel 24:17

Kopwe ngüngü, nge kosap leüömong. Kosap pwärätä om letipeta ren ewe mi mäla. Kopwe filiti mökürom, kopwe pwal ipweip sus, nge kosap pwölüela alüsom, kosap pwal mongö seni mine aramas ra uwato reöm.”

Mateus 11:17

‘Äm aia ettiki aangün ngenikemi, nge ämi ousap pworuk! Äm aia köl kölün lolilen, nge ämi ousap kechü!’

Lukas 7:32

Ra wewe ngeni ekewe semirit mi mot lon ekewe lenien amömö. Eu mwich a kökkö ngeni pwal eu mwich, ‘Äm aia ettiki aangün ngenikemi, nge ämi ousap pworuk. Äm aia köl kölün lolilen, nge ämi ousap kechü!’

Föför 20:10

Nge Paulus a feitiu rer, a chapela won ewe alüal o romi. Iwe, a apasa, “Ousap lolilen, a chüen manau!”

Föför 9:39

Iei mine Petrus a ütä o etiir. Iwe, lupwen a tori ewe imw, ra emwenätä lon ewe ruum asan. Ikenan ekewe fefin mi mä pwülüer ra mwicheto ünükün, ra kechü o aiti ngeni Petrus ekewe söch me sokopaten üf Torkas a tei fän iter lupwen a chüen manau.

Pwärätä 18:22

Esap chüen wor eman epwe rongorong tikin kitar me ngingiin chon köl, pwal tikin likaangün me tikin rappwa me lon alom kewe. Esap chüen wor sousilelap lon sokun angang meinisin epwe pwäsefäl me lon en, esap pwal chüen wor eman mi rongorong ngüngün ewe lenien kata föün wiich.