Mateus 9:22 - Chuukese Bible

²² Iwe, Jesus a kul, a küna neminewe o üreni, “Nei, kopwe apilükülük, om lükülük a apöchökülok.” Lon ewe chök otun ewe fefin a pöchökületä.

Mateus 9:22 Iomraidhean Croise

Mateus 15:28

Mürin Jesus a üreni neminewe, “En eman fefin mi watte om lükülük! Epwe fis ngonuk mine ka mochen.” Iwe, lon ewe chök otun nöün we nengin a pöchökületä.

Mateus 17:18

Jesus a apwüngü ewe anün rochopwak, iwe, a towu seni ewe ät. Lon ewe chök otun ewe ät a pöchökületä.

Mateus 8:13

Mürin Jesus a üreni ewe meilapen sounfiu, “Kopwe liwinla le imwom, epwe fis ngonuk usun ka lükü.” Iwe, nöün ewe meilapen sounfiu we chon angang a pöchökületä lon ewe chök otun.

Mateus 9:2

Ekoch aramas ra ekieto ren eman mwän mi mwök won an peet. Lupwen Jesus a küna ar lükülük, a üreni ewe mwän mi mwök, “Nei, kopwe apilükülük! Om tipis kana ra musala.”

Mateus 9:29

Mürin Jesus a atapa meser o apasa, “Epwe fis ngenikemi mine oua lükü.”

Markus 10:52

Jesus a üreni, “Kopwe feila, om lükülük a alisuk.” Lon ewe chök otun ewe mwän a küna mwan o tapwela mürin Jesus won ewe al.

Markus 5:34

Iwe, Jesus a üreni, “Nei fefin, om lükülük a apöchökülokotä. Kopwe feila fän kinamwe pwe ka chikar seni om samau.”

Lukas 17:19

Iwe, Jesus a üreni, “Kopwe ütä o feila, om lükülük a apöchökülokotä.”

Lukas 18:42

Iwe, Jesus a üreni, “Kopwe küna mwomw, om lükülük a apöchökülok.”

Lukas 7:50

Nge Jesus a üreni ewe fefin, “Om lükülük a amanauok. Kopwe feila fän kinamwe.”

Lukas 8:48

Iwe, Jesus a üreni neminei, “Nei, om lükülük a apöchökülokotä. Kopwe feila fan kinamwe.”

Johannes 4:53

Mürin ewe sam a chechemeni pwe ina chök ewe otun Jesus a kapas ngeni lon, “Noumw we ät epwe manau.” Iei mine i me chon an famili meinisin ra lükü Jesus.

Föför 14:9

Ätei a rong än Paulus afalafal. Paulus a küna pwe a wor an lükü pwe a tongeni pöchökületä. Iei mine a newenewen ngeni

Föför 16:18

Iei usun mine a föri lon chomong kewe rän, tori Paulus a fokun weires ren, pwe a kul ngeni ewe föpwül o üreni ewe ngün mi nom won, “Fän iten Jesus Kraist üa allük ngonuk pwe kopwe towu seni neminei!” Iwe, lon ewe chök otun ewe ngün a towu seni.

Ipru 4:2

Pun sia pwal rongorong ewe Pworausen Manau usun chök ir. Ir ra rongorong ewe pworaus, nge resap feiöch ren, pun lupwen ar rongorong, resap etiwa fän ar lükü.