Mateus 9:16 - Chuukese Bible

¹⁶ Esap wor eman aramas epwe teiätä ekam mangaku mi fö won echö üf mi mes, pun ewe ekam mangaku mi fö epwe nürfengen o afisätä pwe kamwen ewe üf epwe wattela.

Mateus 9:16 Iomraidhean Croise

Keneses 33:14

Kose mochen kopwe akomwola mwei, nge ngang üpwe mangeni mangen ekewe man me semirit, tori üpwe churuk lon Etom.”

Kölfel 125:3

Än ekewe aramasangau nemenem esap nonomopos won ewe fanü mi inet ngeni ekewe chon pwüng, pun mürin, ekewe chon pwüng repwe pwal föri mine a ngau.

Aisea 40:11

Iwe, epwe tümwünü nöün mwichen sip usun eman chon mas, epwe pwal achufengeni ekewe apanen sip o ekiretä fän mwärin, nge ekewe inelapen sip epwe emwenirela fän kinamwe.

Mateus 9:15

Jesus a pölüeniir, “Ifa usun, oua ekieki pwe ekewe chon kökkö ngeni fetallapen apwüpwülü ra letipeta lupwen ewe mwän apwüpwülü söfö a nom rer? Apw! Nge epwe war ewe rän lupwen aramas repwe angei seniir ewe mwän apwüpwülü söfö fän pöchökül, lon ena otun repwapw echikefel.

Mateus 9:17

Esap pwal wor eman a alölöülong wain mi fö lon pör mi mes seni silin man, pun ekewe pör repwe mökküla o ewe wain epwe nitiu, nge ekewe pör repwe fokun tala. Pun a öch pwe wain mi fö epwe nom lon pör mi fö, pwe ir me ruu repwe nükünüköch.”

Markus 2:21

Esap wor eman epwe teiätä ekam mangaku mi fö won echö üf mi mes, pun are epwe föri iei usun, ewe ekam mangaku mi fö epwe kamwei ewe üf mi mes, pwe ewe kam epwe wattela.

Lukas 5:36

Iwe, Jesus a pwal apworausa ngeniir eu pworausen awewe: “Esap wor eman a angei ekam mangaku seni echö üf mi fö o teiätä won echö üf mi mes. Pun are epwe föri iei usun, a föri met ewe üf mi fö epwe kam ren, nge ewe ekam mangaku mi fö esap pwal öch ngeni echö üf mi mes.

Johannes 16:12

Mi chüen wor chomong mettoch üpwe ürenikemi, nge epwe fokun weires ngenikemi iei.

1. Korint 13:13

Iei usun ekei ülüngat repwe nonomola: lükülük, apilükülüköch me chen, nge chen a lapalap seniir.

2. Korint 9:12

Pun ei angangen alilis oua föri esap chök awesi än ekewe chon pin osupwang, nge a pwal efisätä pwe chomong aramas repwe iotekin kilisou ngeni Kot ren.